Elon Musk: భారత్‌లో గుత్తాధిపత్యం కోసం స్టార్‌లింక్‌ను అడ్డుకుంటున్నారు: ఎలాన్‌ మస్క్
ఈ వార్తాకథనం ఏంటి
అమెరికా వ్యాపారవేత్త ఎలాన్‌ మస్క్ భారత్‌లో స్టార్‌లింక్‌ సేవలకు కొందరు అడ్డంకులు సృష్టిస్తున్నారని ఆరోపించారు. తమ వ్యాపార గుత్తాధిపత్యాన్ని కాపాడుకునేందుకే కొన్ని వర్గాలు స్టార్‌లింక్‌ను దేశంలోకి రానివ్వడం లేదని ఆయన పేర్కొన్నారు. ఎక్స్‌ వేదికగా 'డాడ్జ్‌డిజైనర్‌' అనే ఖాతా చేసిన పోస్టుకు స్పందిస్తూ మస్క్ ఈ వ్యాఖ్యలు చేశారు. భారత్‌లో 11,000కు పైగా గ్రామాలకు ఇప్పటికీ మొబైల్‌ కవరేజీ అందుబాటులో లేదని ఆ పోస్టులో పేర్కొన్నారు. మే 2026 నాటికి దేశవ్యాప్తంగా 11,256 గ్రామాలకు 4జీ మొబైల్‌ కవరేజీ లేదని డాడ్జ్‌డిజైనర్‌ వెల్లడించారు. ఇలాంటి పరిస్థితుల్లో భారతీయులకు స్టార్‌లింక్‌ సేవలు అవసరమని ఆ పోస్టులో అభిప్రాయపడ్డారు.
వివరాలు
''వారెవరో మీకు తెలుసు''
ఈ పోస్టుపై స్పందించిన మస్క్.. కొందరు వ్యాపార దిగ్గజాలు తమ గుత్తాధిపత్యాన్ని కాపాడుకునేందుకు స్టార్‌లింక్‌ను భారత్‌లోకి అనుమతించకుండా ప్రయత్నిస్తున్నారని ఆరోపించారు.
''వారెవరో మీకు తెలుసు'' అంటూ ఆయన వ్యాఖ్యానించారు. ఇది భారత ప్రజల ప్రయోజనాలకు వ్యతిరేకంగా జరుగుతున్న చర్యగా మస్క్ అభివర్ణించారు.
మరోవైపు, భారత్‌లో స్టార్‌లింక్‌ సేవలను ప్రారంభించేందుకు తాము సిద్ధమవుతున్నట్లు మస్క్ నేతృత్వంలోని స్పేస్‌ఎక్స్‌ ఇప్పటికే ప్రకటించింది.
ఉపగ్రహ ఆధారిత ఇంటర్నెట్‌ సేవలను దేశంలోని మరింత విస్తృత ప్రాంతాలకు అందించాలన్న ప్రయత్నాల్లో భాగంగా ఈ పరిణామం ప్రాధాన్యం సంతరించుకుంది.
ఇదిలా ఉండగా.. ఇండియా మొబైల్‌ కాంగ్రెస్‌ (ఐఎంసీ)ను ప్రధాని నరేంద్ర మోదీ గురువారం అధికారికంగా ప్రారంభించనున్న నేపథ్యంలో మస్క్ తాజా వ్యాఖ్యలు వెలువడటం చర్చనీయాంశంగా మారింది.
ట్విట్టర్ పోస్ట్ చేయండి
ఎలాన్‌ మస్క్ చేసిన ట్వీట్
Unfortunately, we are being blocked by certain oligarchs in order to maintain their monopolistic chokehold on the Indian people. You can guess who they are …
— Elon Musk (@elonmusk) October 7, 2026
This is a crime against the people of India! https://t.co/t3YONgpcm7