ఐఫోన్ 12 రేడియేషన్ లెవెల్స్ పై ఫ్రాన్స్ అభ్యంతరాలు: వివరాలు వెల్లడి చేయొద్దని ఉద్యోగులకు పిలుపునిచ్చిన ఆపిల్
ఈ వార్తాకథనం ఏంటి
ఆపిల్ ఐఫోన్ 12 సిరీస్ ఫోన్ల నుండి అధిక రేడియేషన్ వెలువడుతుందని, అందువల్ల ఆపిల్ యూనిట్ల అమ్మకాలను నిలిపివేయాలని, అలాగే ఆల్రెడీ అమ్మిన ఫోన్లను వెనక్కి తీసుకోవాలని ఫ్రాన్స్ ఆరోపిస్తుంది.
ఈ నేపథ్యంలో ఆపిల్ సంస్థ, ఐఫోన్ 12 సిరీస్ ఫోన్ల రేడియేషన్ స్థాయిల వివరాల గురించి ఎవ్వరికీ సమాచారం ఇవ్వొద్దని తెలియజేసినట్లు సమాచారం.
బ్లూమ్ బర్గ్ నివేదిక ప్రకారం, ఆపిల్ సంస్థలో పనిచేసే ఉద్యోగులకు ఐఫోన్ 12 రేడియేషన్ లెవెల్స్ పై ఎలాంటి సమాచారం అందించరాదని ఆపిల్ నుండి ఆదేశాలు వెళ్ళాయని తెలుస్తోంది.
వినియోగదారులు రేడియేషన్ గురించి అడిగినట్లయితే, ఏమీ తెలియదని చెప్పమన్నట్టు ఉద్యోగులు వెల్లడి చేయాలని ఆపిల్ ఆజ్ఞ జారీ చేసిందట.
Details
నిషేధిస్తామని ఫ్రెంఛ్ అధికారుల వార్నింగ్
ఫ్రెంఛ్ ప్రభుత్వం విధించిన పరిమితులను దాటిపోయి ఆపిల్ ఐఫోన్ 12 సిరీస్ రేడియేషన్ లెవెల్స్ ఉన్నాయట.
ఈ మేరకు ఫ్రెంఛ్ డిజిటల్ కమ్యూనికేషన్ మినిస్టర్, రేడియేషన్ తగ్గించడానికి ఏదైనా సాఫ్ట్ వేర్ అప్డేట్ చేయని ఆపిల్ సంస్థని కోరారట. సాఫ్ట్ వేర్ లాంటిది రిలీజ్ చేయని పక్షంలో దేశంలో ఆపిల్ ని నిషేధిస్తామని కూడా హెచ్చరించారట.
అయితే ప్రస్తుతం ఆపిల్ కంపెనీ, ఐఫోన్ 12 తయారీని ఆపివేసింది. ఐఫోన్ 15 సిరీస్ ని లాంచ్ చేస్తూ 12 సిరీస్ తయారీని ఆపేస్తున్నట్టు ప్రకటించింది.
ఒక్క ఫ్రాన్స్ మాత్రమే కాదు, జర్మనీ, స్పెయిన్ దేశాలు కూడా ఐఫోన్ 12సిరీస్ రేడియేషన్ లెవెల్స్ అధికంగా ఉన్నాయని ఆరోపిస్తున్నారు.