Google Fitbit AI health: ఐఫోన్ యూజర్లకు గూగుల్ ఫిట్బిట్ AI హెల్త్ కోచ్
ఈ వార్తాకథనం ఏంటి
గూగుల్ తన ఫిట్నెస్ ప్లాట్ఫామ్ Fitbit ద్వారా ప్రీమియం వినియోగదారుల కోసం తీసుకొచ్చిన AI ఆధారిత హెల్త్ కోచ్ను ఇప్పుడు ఐఫోన్ యూజర్లకూ అందుబాటులోకి తీసుకొచ్చింది. ఇప్పటివరకు ఆండ్రాయిడ్కే పరిమితమైన ఈ ఫీచర్, ఈ వారం నుంచే iOS వినియోగదారులకు పబ్లిక్ ప్రీవ్యూ రూపంలో ప్రారంభమవుతోంది. గూగుల్ జెమినీ టెక్నాలజీతో పనిచేసే ఈ హెల్త్ కోచ్, వినియోగదారుల ఆరోగ్య డేటాను విశ్లేషించి ఆరోగ్యం మెరుగుపర్చుకునేందుకు సూచనలు ఇస్తుంది. ఫిట్బిట్ కమ్యూనిటీ ఫోరమ్లోని అధికారిక ప్రకటన ప్రకారం, ఫిట్బిట్ ప్రీమియం సభ్యత్వం ఉన్న iOS యూజర్లకు ఈ AI హెల్త్ కోచ్ ఇప్పుడు మద్దతు ఇస్తోంది.
వివరాలు
యూజర్ల నుంచి వచ్చే ఫీడ్బ్యాక్ ఆధారంగా తుది వెర్షన్
ఇది వర్చువల్ ఫిట్నెస్ ట్రైనర్,నిద్ర కోచ్,ఆరోగ్య సలహాదారుడిలా పనిచేస్తూ,మొదట 5 నుంచి 10 నిమిషాల చర్చ ద్వారా వినియోగదారుల లక్ష్యాలు తెలుసుకుని,ప్రతి ఉదయం ఆరోగ్య సమాచారం, అవసరానికి తగ్గ వర్కౌట్ ఆప్షన్లు, సరైన నిద్ర ప్యాటర్న్లను సూచిస్తుంది. హార్ట్ రేట్,శరీర ఉష్ణోగ్రత,రక్తంలోని ఆక్సిజన్ స్థాయిలాంటి కీలక అంశాలను ట్రాక్ చేస్తూ,జెమినీ AI వాటి ఆధారంగా ఫిట్నెస్ ప్లాన్ రూపొందించి మెరుగుపర్చాల్సిన అంశాలను చెబుతుంది. రాబోయే కొన్ని వారాల్లో ఈ పబ్లిక్ ప్రీవ్యూ విస్తృతంగా కొనసాగుతుందని గూగుల్ తెలిపింది. యూజర్ల నుంచి వచ్చే ఫీడ్బ్యాక్ ఆధారంగా తుది వెర్షన్ రూపొందించనున్నారు.
వివరాలు
'హెల్త్+' సేవకు సమకాలీనంగా ఫిట్బిట్ AI
ఇదే AI టూల్ యూకే, కెనడా, ఆస్ట్రేలియా, న్యూజిలాండ్, సింగపూర్లలోనూ ఇంగ్లిష్ భాషలో, iOS, ఆండ్రాయిడ్ రెండింట్లో ఫిట్బిట్ ప్రీమియం సభ్యులకు అందుబాటులోకి రానుంది. ఆపిల్ తీసుకురానుందని ప్రచారం జరిగిన 'హెల్త్+' సేవకు సమకాలీనంగా ఫిట్బిట్ AI హెల్త్ కోచ్ విస్తరణ జరగడం గమనార్హం. అయితే, ఈ ఏడాది iOS 27తో పాటు ఆ సేవను ప్రారంభించాలన్న ఆపిల్ యోచనలను తాత్కాలికంగా వెనక్కి తీసుకున్నట్టు Bloomberg ఇటీవల నివేదించింది.