Google I/O 2026: AI ఎఫెక్ట్‌.. భారీ మార్పులకు గురయ్యే 8 ఉద్యోగాలు ఇవే!

వ్రాసిన వారు Sirish Praharaju

May 22, 2026

03:29 pm

ఈ వార్తాకథనం ఏంటి

అమెరికాలో మే 19-20 తేదీల్లో జరిగిన గూగుల్ వార్షిక డెవలపర్ ఈవెంట్ 'Google I/O 2026'లో సంస్థ ఎన్నో కొత్త AI టెక్నాలజీలను పరిచయం చేసింది. ముఖ్యంగా గత 25 ఏళ్లలోనే అతిపెద్ద సెర్చ్ అప్‌డేట్ ఇదేనని గూగుల్ ప్రకటించింది. ఇకపై కేవలం ప్రశ్నలకు సమాధానం చెప్పే స్థాయిలో కాకుండా.. మన పనులను స్వయంగా పూర్తి చేసే 'ఏజెంటిక్ AI' సిస్టమ్‌లపై గూగుల్ దృష్టి పెట్టింది. ఈ పరిణామాలతో భవిష్యత్తులో కొన్ని ఉద్యోగాల్లో భారీ మార్పులు వచ్చే అవకాశం ఉందని టెక్ నిపుణులు చెబుతున్నారు.

వివరాలు

SEO,సెర్చ్ ఆప్టిమైజేషన్ ఉద్యోగాలు

గూగుల్ కొత్త AI సెర్చ్ ఇంటర్‌ఫేస్‌ను తీసుకొచ్చింది. ఇది టెక్స్ట్, ఫోటోలు, వీడియోలు, ఫైల్స్‌ను ఒకేసారి అర్థం చేసుకుని సమాధానాలు ఇస్తుంది. దీంతో యూజర్లు వెబ్‌సైట్లకు వెళ్లకుండా నేరుగా గూగుల్‌లోనే సమాధానాలు పొందే అవకాశం పెరుగుతోంది. దీనివల్ల SEO, డిజిటల్ మార్కెటింగ్, వెబ్ ట్రాఫిక్ ఆధారిత ఉద్యోగాలపై ప్రభావం పడొచ్చని అంచనా.

వివరాలు

జూనియర్ కోడింగ్ ఉద్యోగాలు

గూగుల్ Gemini 3.5 Flash, Antigravity 2.0 ఆధారిత కొత్త AI కోడింగ్ టూల్స్‌ను ప్రకటించింది. ఇవి స్వయంగా కోడ్ రాయడం, UI డిజైన్ తయారు చేయడం, బగ్‌లు ఫిక్స్ చేయడం వంటి పనులు చేస్తాయి. సాధారణ కోడింగ్ పనుల్లో AI వినియోగం పెరగడంతో జూనియర్ డెవలపర్ ఉద్యోగాల్లో మార్పులు రావొచ్చని నిపుణులు చెబుతున్నారు.

వివరాలు

అడ్మినిస్ట్రేటివ్, షెడ్యూలింగ్ పనులు

Gemini Spark వంటి AI సిస్టమ్‌లు రిమైండర్లు పెట్టడం, టాస్క్‌లను ఆర్గనైజ్ చేయడం, వర్క్‌ఫ్లోలను నిర్వహించడం వంటి పనులను ఆటోమేటిక్‌గా చేస్తాయి. దీంతో కార్యాలయాల్లో అసిస్టెంట్లు, బ్యాక్‌ఆఫీస్ సిబ్బంది చేసే కొన్ని పనులు తగ్గే అవకాశం ఉందని భావిస్తున్నారు. రీసెర్చ్ అసిస్టెంట్ ఉద్యోగాలు కొత్త "Information Agents" ద్వారా AI నిరంతరం ఒక టాపిక్‌ను గమనిస్తూ తాజా అప్‌డేట్‌లను అందిస్తుంది. మాన్యువల్‌గా సమాచారం సేకరించే అవసరం తగ్గే అవకాశం ఉంది. ముఖ్యంగా జూనియర్ రీసెర్చర్లు, మానిటరింగ్ టీమ్‌ల పనితీరులో మార్పులు రావొచ్చని టెక్ విశ్లేషకులు చెబుతున్నారు.

వివరాలు

కస్టమర్ సపోర్ట్ ఉద్యోగాలు

రియల్ టైమ్‌లో మాట్లాడగలిగే కన్వర్సేషనల్ AI సిస్టమ్‌లపై కూడా గూగుల్ ప్రత్యేకంగా దృష్టి పెట్టింది. బ్యాంకింగ్, టెలికాం, ఈ-కామర్స్ రంగాల్లో ఇప్పటికే AI చాట్‌బాట్లు విస్తరిస్తున్నాయి. భవిష్యత్తులో కాల్ సెంటర్, కస్టమర్ సపోర్ట్ ఉద్యోగాలపై AI ప్రభావం మరింత పెరిగే అవకాశముంది. ఈ-కామర్స్ సపోర్ట్ ఉద్యోగాలు 'Universal Cart' పేరుతో గూగుల్ కొత్త AI షాపింగ్ సిస్టమ్‌ను పరిచయం చేసింది. ఇది వివిధ వెబ్‌సైట్లలో డీల్స్, స్టాక్, కొనుగోళ్లను ట్రాక్ చేస్తుంది. దీంతో ఆన్‌లైన్ షాపింగ్ సపోర్ట్, మాన్యువల్ ప్రొడక్ట్ ట్రాకింగ్ పనుల్లో ఆటోమేషన్ పెరిగే అవకాశం ఉంది.

వివరాలు

కంటెంట్ క్రియేషన్ ఉద్యోగాలు

Gemini Omni ద్వారా వీడియోలు, టెక్స్ట్, విజువల్ కంటెంట్‌ను AIతో సృష్టించడం, ఎడిట్ చేయడం సాధ్యమవుతుంది. యూట్యూబ్, సెర్చ్ వంటి ప్లాట్‌ఫామ్‌లలో కూడా ఈ ఫీచర్లు అందుబాటులోకి రానున్నాయి. దీంతో సాధారణ కంటెంట్ ప్రొడక్షన్ పనుల్లో AI వినియోగం మరింత పెరిగే అవకాశం కనిపిస్తోంది. రిపిటేటివ్ ఆఫీస్ పనులు Workspace, Search, Gemini వంటి గూగుల్ సేవల్లో AI ఇంటిగ్రేషన్‌ను సంస్థ వేగంగా విస్తరిస్తోంది. పదే పదే చేసే డిజిటల్ పనులను AI స్వయంగా పూర్తి చేసే దిశగా గూగుల్ అడుగులు వేస్తోంది. దీంతో భవిష్యత్తులో అనేక సాధారణ ఆఫీస్ పనులు ఆటోమేటిక్ అయ్యే అవకాశముందని నిపుణులు చెబుతున్నారు.