చంద్రుడి మీద చంద్రయాన్ 3 ల్యాండింగ్ ఎలా జరుగుతుంది? ఆ సమయంలో ఏం జరుగుతుంది?
ఈ వార్తాకథనం ఏంటి
చంద్రుడి మీద చంద్రయాన్-3 అడుగుపెట్టే సమయం ఆసన్నమైంది. మరికొద్ది గంటల్లో జాబిల్లి మీద ల్యాండర్ మాడ్యూల్ అడుగుపెట్టనుంది. అయితే చాలామందికి ల్యాండ్ అయ్యే సమయంలో ఏం జరగనుందనేది ఆసక్తిగా అనిపిస్తోంది.
చంద్రుడి మీద ల్యాండర్ మాడ్యూల్ దిగే సమయంలో దానిలో ఎలాంటి మార్పులు జరగనున్నాయో ఇక్కడ తెలుసుకుందాం.
ప్రస్తుతం చంద్రుడికి అత్యంత దగ్గరలో ఉన్న చంద్రయాన్-3 ప్రయోగానికి బెంగళూరులోని ఇస్రో టెలిమెట్రీ, ట్రాకింగ్ అండ్ కమాండ్ నెట్ వర్క్ ద్వారా ఈరోజు సాయంత్రం 5:45నిమిషాలకు ఆదేశాలు వెళ్తాయి.
ఆదేశం అందుకోగానే చంద్రుడి ఉపరితలానికి మరింత దగ్గరగా ల్యాండర్ మాడ్యూల్ వచ్చేస్తుంది.
Details
చివరి 17నిమిషాలే కీలకం
చంద్రుడి దగ్గరకు చేరువవుతుండగా, ల్యాండర్ మాడ్యూల్ వేగం తగ్గాల్సి ఉంటుంది. ఇక్కడ ల్యాండర్ మాడ్యూల్ దానికదే వేగాన్ని తగ్గించుకోవాలి.
ఇంజన్లను మండించుకుని చంద్రుడి గురుత్వాకర్షణ శక్తికి అనుగుణంగా వేగాన్ని మార్చుకుంటూ దిగాల్సి ఉంటుంది. ఇలా తకు తానుగా తన వేగంలో మార్పులు చేసుకుంటూ నెమ్మదిగా చంద్రుడి మీద దిగుతుంది.
చంద్రుడి మీద అడుగుపెట్టే ప్రాసెస్ లో చివరి 17నిమిషాల్లో పైన చెప్పుకున్నదంతా జరుగుతుంది. ఈ ప్రాసెస్ సరిగ్గా జరిగితే ల్యాండర్ మాడ్యూల్ సురక్షితంగా చంద్రుడి మీద దిగుతుంది.
చంద్రుడి మీద దిగగానే, ల్యాండర్ మాడ్యూల్ నుండి రోవర్ బయటకు వచ్చేస్తుంది.