Instagram: రీల్స్ క్రియేటర్లకు గుడ్న్యూస్.. ఇన్స్టాగ్రామ్లో కొత్త ఎడిటింగ్ టూల్
ఈ వార్తాకథనం ఏంటి
ఇన్స్టాగ్రామ్ రీల్స్ తయారీ ప్రక్రియను మరింత సులభతరం చేసేందుకు 'ఫస్ట్ డ్రాఫ్ట్' (First Draft) పేరుతో కొత్త ఫీచర్ను తీసుకొచ్చింది. ఈ టూల్ ఎంపిక చేసిన వీడియో క్లిప్లను ఆటోమేటిక్గా కట్ చేస్తుంది. మధ్యలో ఉన్న ఖాళీలు, అవసరం లేని విరామాలను తొలగించి.. వీడియోలోని ముఖ్యమైన సన్నివేశాలను కలిపి ఒక ప్రారంభ డ్రాఫ్ట్ను సిద్ధం చేస్తుంది. ఈ ప్రక్రియ 10 సెకన్లలోపే పూర్తయ్యే అవకాశం ఉంది. దీంతో కంటెంట్ క్రియేటర్లకు ఎడిటింగ్ కోసం వెచ్చించే సమయం గణనీయంగా తగ్గుతుంది. ముఖ్యంగా వీడియో ఎడిటింగ్పై పెద్దగా అవగాహన లేని వారికి ఇది ఉపయోగపడనుంది.
వివరాలు
కొత్త ఫీచర్ను ఎలా ఉపయోగించాలి?
'ఫస్ట్ డ్రాఫ్ట్' ఫీచర్ను ఇన్స్టాగ్రామ్ కెమెరా నుంచే నేరుగా యాక్సెస్ చేయొచ్చు.
వీడియో రికార్డ్ చేస్తున్న సమయంలో లేదా రీల్స్ గ్యాలరీలోకి వెళ్లి ఒకేసారి పలు క్లిప్లను ఎంపిక చేసిన తర్వాత కూడా దీన్ని ఉపయోగించవచ్చు.
ఇప్పటివరకు ఒక్కో క్లిప్ను విడివిడిగా మాన్యువల్గా ఎడిట్ చేయాల్సి వచ్చేది.
కొత్త ఫీచర్తో ఆ అవసరం తగ్గుతుంది. ఇన్స్టాగ్రామ్ ఆటోమేటిక్గా రూపొందించిన డ్రాఫ్ట్ను ముందుగా చూసి.. అవసరమైన మార్పులు చేసుకోవచ్చు.
దీంతో మొత్తం రీల్స్ తయారీ ప్రక్రియ వేగంగా, సులభంగా పూర్తవుతుంది.
వివరాలు
ఆటోమేటిక్ ఎడిటింగ్ టూల్స్కు పోటీగా..
వీడియో ఎడిటింగ్ను ఆటోమేటిక్గా చేసే టూల్స్ ఇప్పటికే ఉన్నాయి. అడోబ్ ఫైర్ఫ్లై, క్యాప్కట్ వంటి యాప్లలో ఇలాంటి సదుపాయాలు అందుబాటులో ఉన్నాయి.
అయితే ఇలాంటి సదుపాయాన్ని నేరుగా తన యాప్లోనే అందుబాటులోకి తీసుకురావడం ద్వారా ఇన్స్టాగ్రామ్ మరో అడుగు ముందుకేసింది.
ఇక క్రియేటర్లు తమ వీడియోలను ప్రత్యేక ఎడిటింగ్ యాప్లకు బదిలీ చేయాల్సిన అవసరం తగ్గుతుంది.
మొత్తం ఎడిటింగ్ ప్రక్రియ ఒకే యాప్లో పూర్తవడంతో సమయం, శ్రమ రెండూ ఆదా అవుతాయి.
వివరాలు
ఈ ఏడాది ఇన్స్టాగ్రామ్ తీసుకొచ్చిన ఇతర క్రియేటర్ టూల్స్
ఈ ఏడాది ఇన్స్టాగ్రామ్ క్రియేటర్ల కోసం ఇప్పటికే పలు కొత్త టూల్స్ను అందుబాటులోకి తీసుకొచ్చింది.
వాటిలో 'రిప్లేస్ ఆడియో'(Replace Audio) ఒకటి. దీని ద్వారా ఇప్పటికే ఫీడ్లో పోస్ట్ చేసిన ఫొటోలు, క్యారసెల్స్లోని మ్యూజిక్ను పోస్ట్ను డిలీట్ చేసి మళ్లీ అప్లోడ్ చేయకుండానే మార్చుకోవచ్చు.
అలాగే వీడియో ఎడిటింగ్ యాప్ 'ఎడిట్స్' (Edits)లో కొత్త ఏఐ అసిస్టెంట్ను తీసుకొచ్చేందుకు ఇన్స్టాగ్రామ్ పనిచేస్తోంది.
దీంతోపాటు 'సిరీస్' (Series) అనే ఫీచర్ను కూడా పరీక్షిస్తోంది. దీని ద్వారా ఒకే అంశానికి సంబంధించిన రీల్స్ను ఒక సమూహంగా ఏర్పాటు చేసి, వీక్షకులు వాటిని నిర్దిష్ట క్రమంలో చూసేలా చేయొచ్చు.
ఈ ఫీచర్ అందుబాటులోకి వస్తే చిన్నచిన్న వీడియోలను మరింత క్రమబద్ధమైన కంటెంట్గా మార్చుకునే అవకాశం క్రియేటర్లకు లభిస్తుంది.