భారతదేశంలో మరో 50 కొత్త నగరాల్లో 5G సేవలు ప్రారంభించిన జియో
రిలయన్స్ జియో తన 5G సేవలను 17 రాష్ట్రాలు, కేంద్రపాలిత ప్రాంతాలలో మరో 50 నగరాల్లో ప్రారంభించింది, దీనితో భారతదేశంలో 5G మొత్తం 184 నగరాలో అందుబాటులో ఉంది. జియో తన 5G సేవలను దశలవారీగా విడుదల చేస్తోంది. డిసెంబర్ 2023 నాటికి దేశం మొత్తాన్ని కవర్ చేయాలని లక్ష్యంగా పెట్టుకుంది. మంగళవారం జియో తన 5G సేవలను 50 కొత్త నగరాల్లో మొదలుపెట్టింది. టెల్కో ప్రకారం.ఇది భారతదేశంలోనే కాకుండా ప్రపంచంలో ఎక్కడైనా 5G సేవల అతిపెద్ద రోల్‌అవుట్‌లలో ఒకటిగా నిలిచింది. జియో True 5G 4G నెట్‌వర్క్ భాగాలతో సంబంధం లేకుండా స్వతంత్ర 5G టెక్నాలజీపై పనిచేస్తుంది. ఇది మెరుగైన డౌన్‌లోడ్, అప్‌లోడ్ వేగాన్ని అందిస్తుంది.
ఆంధ్రప్రదేశ్ లో శ్రీకాకుళం, విజయనగరం సహ 7 నగరాల్లో 5G సేవలు ప్రారంభించిన జియో
జియో True 5G ఇప్పుడు ఆంధ్రప్రదేశ్‌లోని చిత్తూరు, కడప, నరసరావుపేట, ఒంగోలు, రాజమహేంద్రవరం, శ్రీకాకుళం, విజయనగరం. ఛత్తీస్‌గఢ్‌లోని బిలాస్‌పూర్, కోర్బా , రాజ్‌నంద్‌గావ్. హర్యానాలోని అంబాలా, బహదూర్‌ఘర్, హిసార్, కర్నాల్, పానిపట్, రోహ్‌తక్, సిర్సా మరియు సోనిపట్. కర్ణాటకలోని బాగల్‌కోట్, చిక్కమగళూరు, హాసన్, మాండ్య, తుమకూరు. మహారాష్ట్రలోని కొల్హాపూర్, నాందేడ్-వాఘాలా, సాంగ్లీ, అస్సాంలోని నాగోన్, జార్ఖండ్‌లోని ధన్‌బాద్.ఒడిశాలోని బాలాసోర్, బరిపడ, భద్రక్, ఝర్సుగూడ, పూరి, సంబల్పూర్. రాజస్థాన్‌లోని బికనీర్, కోటా, తమిళనాడులోని ధర్మపురి, ఈరోడ్, తూత్తుకుడి. ఉత్తరప్రదేశ్‌లోని ఝాన్సీ, అలీఘర్, మొరాదాబాద్,సహరాన్‌పూర్. పశ్చిమ బెంగాల్‌లోని అసన్సోల్, దుర్గాపూర్. పుదుచ్చేరిలో, పంజాబ్‌లోని అమృత్‌సర్, తెలంగాణలో నల్గొండ, కేరళలోని అలప్పుళ,గోవాలోని పనాజీ.
