Canva AI: ప్రాంప్ట్ ఇస్తే చాలు.. కాన్వా ఏఐ 2.0తో డిజైన్లు రెడీ!
ఈ వార్తాకథనం ఏంటి
కాన్వా తన డిజైన్ ప్లాట్ఫారమ్కు పెద్ద అప్డేట్గా కాన్వా AI 2.0ను విడుదల చేసింది. ఈ కొత్త వెర్షన్లో అధునాతన టూల్స్తో పాటు, ప్రాంప్ట్ ఆధారిత ఎడిటింగ్ సదుపాయాలను అందించింది. ఇకపై యూజర్లు తాము కోరుకున్న డిజైన్ను మాటల్లో వివరిస్తే, కాన్వా ఏఐ సహాయకుడు స్వయంగా వాటిని రూపొందించేలా ఈ ఫీచర్ పనిచేస్తుంది. ఏఐ ఆధారిత కంటెంట్ క్రియేషన్కు ఒకే ప్లాట్ఫారమ్గా మారాలనే లక్ష్యంతో ఈ అప్డేట్ను తీసుకొచ్చింది.
వివరాలు
ఏఐ మోడళ్ల కోసం కొత్త ఆర్కెస్ట్రేషన్ లేయర్
ఈ అప్డేట్లో భాగంగా కాన్వా ఏఐ మోడళ్ల కోసం ప్రత్యేకమైన ఆర్కెస్ట్రేషన్ లేయర్ను పరిచయం చేసింది.
దీని ద్వారా క్రియేటర్లు, మార్కెటర్లు ఒకే కన్వర్సేషన్ ఇంటర్ఫేస్ ద్వారా ప్లాట్ఫారమ్లోని అన్ని టూల్స్ను ఉపయోగించవచ్చు.
ఉదాహరణకు "మా సమ్మర్ ప్రొడక్ట్స్ కోసం మల్టీ-చానల్ క్యాంపెయిన్ ప్లాన్ రూపొందించు" అని అడిగితే, కాన్వా స్వయంగా పూర్తి ప్లాన్ను సిద్ధం చేసి అందిస్తుంది.
వివరాలు
చాట్బాట్ తరహా ఇంటర్ఫేస్
కాన్వా ఏఐ 2.0ను చాట్బాట్ మాదిరిగా రూపొందించారు.
ఒక ఐడియా నుంచి ఫైనల్ అవుట్పుట్ వరకు మొత్తం ప్రక్రియను ఒకే ప్లాట్ఫారమ్లో పూర్తి చేయడానికి ఇది సాయపడుతుంది.
సమయం తీసుకునే చిన్న చిన్న పనులను ఆటోమేట్ చేసి, క్రియేటర్లు తమ డిజైన్ను మెరుగుపరచడంపై దృష్టి పెట్టేలా ఇది సహకరిస్తుంది.
వివరాలు
పర్సిస్టెంట్ మెమరీ, ఆబ్జెక్ట్ బేస్డ్ ఇంటెలిజెన్స్
ఈ వెర్షన్లో పర్సిస్టెంట్ మెమరీ ఫీచర్ను జోడించారు. యూజర్ పని తీరు, స్టైల్ను గుర్తుంచుకుని, అదే శైలిలో డిజైన్స్ రూపొందించడంలో ఇది సహాయపడుతుంది.
అలాగే "ఆబ్జెక్ట్-బేస్డ్ ఇంటెలిజెన్స్" ద్వారా టెక్స్ట్, ఇమేజ్, ఫాంట్ వంటి నిర్దిష్ట అంశాలను మాత్రమే మార్చే అవకాశం ఉంటుంది.
దీంతో మొత్తం డిజైన్ ప్రభావితం కాకుండా కచ్చితమైన మార్పులు చేయవచ్చు.
వివరాలు
టూల్స్ మెరుగుదల, థర్డ్ పార్టీ ఇంటిగ్రేషన్స్
కాన్వా ఏఐ 2.0లో HTML ఇంపోర్ట్ సపోర్ట్ (Canva Codeలో) వంటి టూల్ అప్డేట్స్ కూడా వచ్చాయి.
అదనంగా స్లాక్, జీమెయిల్, గూగుల్ డ్రైవ్, గూగుల్ క్యాలెండర్ వంటి థర్డ్ పార్టీ సర్వీసులతో యూనిఫైడ్ కనెక్టర్ ఇంటర్ఫేస్ను అందించారు.
దీని వల్ల వినియోగదారులకు ప్లాట్ఫారమ్ మరింత సులభంగా మారుతుంది.
మొదట మిలియన్ యూజర్లకు అందుబాటులోకి
ఈ అప్డేట్ను ప్రారంభంగా 'రిసెర్చ్ ప్రివ్యూ'గా విడుదల చేయనున్నారు.
శుక్రవారం కాన్వా హోమ్పేజీని సందర్శించే మొదటి మిలియన్ యూజర్లకు ఇది అందుబాటులోకి రానుంది.