మెటా నుండి సరికొత్త ఏఐ: ఛాట్ జీపీటీ, గూగుల్ బార్డ్ లకు భిన్నంగా సరికొత్త మోడల్
ఈ వార్తాకథనం ఏంటి
ప్రస్తుతం ప్రపంచమంతా ఆర్టీఫిషియల్ ఇంటెలిజెన్స్ వైపు పరుగెడుతోంది. కృత్రిమ మేధను వేగవంతం చేయడానికి మానవ మేధస్సు విపరీతంగా పనిచేస్తోంది.
ఇప్పటికే ఛాట్ జీపీటీ, గూగుల్ బార్డ్ వంటివి అందుబాటులోకి వచ్చిన సంగతి తెలిసిందే. ఈ రెండింటికి పోటీగా ఫేస్ బుక్ సంస్థ మెటా నుండి సరికొత్త ఏఐ మోడల్ వచ్చింది.
ఈ మోడల్ ని ఉచితంగా అందరికీ అందుబాటులో ఉంచారు. ఛాట్ జీపీటీ, గూగుల్ బార్డ్ అనేవి లార్జ్ లాంగ్వేజ్ మోడల్స్. మానవ మేధస్సును అనుకరిస్తూ వినియోగదారులను ఆకర్షిస్తాయి.
దీనికి భిన్నంగా ఏఐ జనరేటివ్ ప్రోడక్టులను వినియోగదారులకు ప్రత్యక్షంగా అందించకుండా రీసెర్చర్ల కోసం లామా అనే లాంగ్వేజ్ మోడల్ ని డెవలప్ చేసింది మెటా.
Details
వ్యాపారాలకు అందుబాటులో ఉన్న లామా 2
లామా అనేది ఓపెన్ సోర్స్. లామాలో జరిగే పనులన్నీ డెవలపర్లకు అందుబాటులో ఉంటాయి.
ఈ పనులను ఎప్పుడు కావాలంటే అప్పుడు సవరించుకునే అవకాశం కూడా ఉంది. దీనివల్ల సాఫ్ట్ వేర్ ఎప్పటికప్పుడు అప్డేట్ గా ఉంటుందని, కొత్త టెక్నాలజీ పుట్టుకొస్తుందని మార్క్ జుకర్ బర్గ్ తెలియజేసారు.
డెవలపర్లకు ఎప్పటికప్పుడు అందుబాటులో ఉంటుంది కాబట్టి సేఫ్టీ ఉంటుందని, ఎలాంటి సమస్యలు ఎదురైనా సులభంగా పరిష్కరించే అవకాశం ఉంటుందని జుకర్ బర్గ్ అన్నారు.
ప్రస్తుతం మెటాకు చెందిన లామా 2ని డౌన్లోడ్ చేసుకోవచ్చని, లేదంటే మైక్రోసాఫ్ట్ అజూర్ క్లౌడ్ సర్వీసుతో, ఏ బిజినెస్ కైనా లామా 2 ని ఉపయోగించవచ్చని మెటా తెలిపింది.