NASA: అంతరిక్షం నుంచి నైల్ నది అందాలు.. అద్భుత చిత్రాలను పంచుకున్న నాసా వ్యోమగామి
ఈ వార్తాకథనం ఏంటి
నాసా వ్యోమగామి జెస్సికా మీర్ అంతరిక్షం నుంచి భూమి అందాలను ప్రతిబింబించే అద్భుత చిత్రాలను సోషల్ మీడియా వేదిక 'ఎక్స్'లో పంచుకున్నారు. ప్రపంచంలోనే అత్యంత ప్రసిద్ధ నదుల్లో ఒకటైన నైల్ నదిని అంతరిక్షం నుంచి చిత్రీకరించి అందరినీ ఆకట్టుకున్నారు. తన పోస్టులో జెస్సికా మీర్, "మీ వారానికి ప్రకృతి తల్లి సృష్టించిన భూమి కళాఖండంతో ప్రారంభం... ఈసారి మహోన్నత నైల్ నది ప్రత్యేక ఆకర్షణ" అంటూ పేర్కొన్నారు. ఆమె పంచుకున్న చిత్రాల్లో నైల్ నది వంకర తిరుగుతూ ప్రవహిస్తున్న తీరు, దాని చుట్టూ విస్తరించిన భూభాగం, ప్రకృతి రంగుల సమ్మేళనం స్పష్టంగా కనిపిస్తున్నాయి. భూమిపై నుంచి సాధారణంగా చూడలేని ఈ అరుదైన దృశ్యాలు అంతరిక్షం నుంచి గ్రహం ఎంత అద్భుతంగా కనిపిస్తుందో చూపిస్తున్నాయి.
వివరాలు
నెటిజన్లు ప్రశంసల వర్షం..
జెస్సికా మీర్ నైల్ నదిని ప్రకృతి సృష్టించిన అద్భుత కళాఖండాల్లో ఒకటిగా అభివర్ణిస్తూ, దానిని "మదర్ నేచర్ ఎర్త్ ఆర్ట్"లో భాగంగా పేర్కొన్నారు.
ఈ చిత్రాలు సోషల్ మీడియాలో వేగంగా వైరల్ కావడంతో నెటిజన్లు ప్రశంసల వర్షం కురిపించారు.
భూమి చుట్టూ పరిభ్రమిస్తున్న వ్యోమగాముల కళ్లలోంచి కనిపించే ప్రపంచ సౌందర్యానికి ఇవి నిదర్శనమని పలువురు అభిప్రాయపడ్డారు.
ఒక వినియోగదారు, "వీటిలో ఏది నాకు అత్యంత ఇష్టమో చెప్పడం కష్టంగా ఉంది.
ప్రతి చిత్రం అద్భుతంగా ఉంది" అని వ్యాఖ్యానించారు. మరో నెటిజన్, "ఇది నిజంగా కళ్లు చెదిరే దృశ్యం" అంటూ స్పందించారు. ఇంకొకరు, "ఇదే అసలైన కళ" అని ప్రశంసలు వ్యక్తం చేశారు.