NASA: నాసా వినూత్న మిషన్.. భూమివైపు జారుతున్న స్విఫ్ట్ టెలిస్కోపుకు రక్షణ
ఈ వార్తాకథనం ఏంటి
భూమి వాతావరణంలోకి జారిపోతున్న స్విఫ్ట్ టెలిస్కోపును కాపాడేందుకు అమెరికా అంతరిక్ష సంస్థ నాసా ఈ వారం వినూత్న మిషన్ను చేపట్టనుంది. ప్రస్తుతం స్విఫ్ట్ టెలిస్కోపు తన కక్ష్య నుంచి క్రమంగా దిగువకు వస్తుండగా, దీనికి ప్రధాన కారణం పెరుగుతున్న సౌర చర్యలు అని శాస్త్రవేత్తలు చెబుతున్నారు. ప్రస్తుత పరిస్థితి కొనసాగితే మరో కొద్ది నెలల్లోనే స్విఫ్ట్ భూ వాతావరణంలోకి ప్రవేశించి తీవ్ర ఘర్షణ కారణంగా పూర్తిగా దగ్ధమయ్యే ప్రమాదం ఉంది. ఈ నేపథ్యంలో టెలిస్కోపును రక్షించేందుకు నాసా కెటలిస్ట్ సంస్థ సహకారంతో 'లింక్' అనే రోబోటిక్ వ్యోమనౌకను సిద్ధం చేసింది.
వివరాలు
సెప్టెంబరు నుంచి స్విఫ్ట్ టెలిస్కోపు
ఈ వ్యోమనౌకను మంగళవారం పెగాసస్ రాకెట్ ద్వారా అంతరిక్షంలోకి ప్రయోగించే అవకాశం ఉంది. కక్ష్యలోకి చేరిన తర్వాత లింక్ నేరుగా స్విఫ్ట్ టెలిస్కోపు వైపు ప్రయాణించి, దానితో విజయవంతంగా అనుసంధానమవుతుంది. ఆ తర్వాత లింక్లోని స్వీయ ఇంజిన్ల సాయంతో స్విఫ్ట్ టెలిస్కోపును మరింత ఎత్తైన, సురక్షితమైన కక్ష్యలోకి చేర్చే ప్రణాళికను నాసా రూపొందించింది. ఈ మిషన్ విజయవంతమైతే సెప్టెంబరు నుంచి స్విఫ్ట్ టెలిస్కోపు తిరిగి శాస్త్రీయ పరిశోధనలకు సేవలు అందించే అవకాశం ఉంది.