Google: గూగుల్ ఫోటోస్లో సరికొత్త ఫీచర్.. మీ ఫోటోలతోనే వార్డ్రోబ్ రెడీ!
ఈ వార్తాకథనం ఏంటి
గూగుల్ ఫోటోస్లో కొత్తగా 'వార్డ్రోబ్' ఫీచర్ను గూగుల్ ప్రవేశపెట్టింది. ఈ ఫీచర్ ద్వారా వినియోగదారుల ఫోన్లో ఉన్న ఫోటోలను ఆధారంగా తీసుకుని డిజిటల్ దుస్తుల కలెక్షన్ను రూపొందిస్తుంది. ఆర్టిఫిషియల్ ఇంటెలిజెన్స్ (AI) సాయంతో ఈ ఫీచర్ పని చేస్తూ దుస్తులు యాక్సెసరీస్ను గుర్తించి వాటిని సిస్టమేటిక్గా ఏర్పాటు చేస్తుంది. వార్డ్రోబ్ ఫీచర్ ఎలా పనిచేస్తుంది? ఈ ఫీచర్ యూజర్ ఫోటో లైబ్రరీని స్కాన్ చేసి, అందులో ఉన్న దుస్తులను గుర్తిస్తుంది. గుర్తించిన వాటిని టాప్స్, బాటమ్స్, యాక్సెసరీస్ వంటి విభాగాలుగా వర్గీకరిస్తుంది. దీంతో యూజర్కు ప్రత్యేకంగా ఒక డిజిటల్ వార్డ్రోబ్ సెక్షన్ అందుబాటులోకి వస్తుంది.
వివరాలు
ఉపయోగాలు ఏమిటి?
ఈ ఫీచర్ ద్వారా వినియోగదారులు తమ దగ్గర ఉన్న దుస్తులన్నింటినీ ఒకేచోట చూసుకునే అవకాశం ఉంటుంది. ఫిల్టర్ల సాయంతో అవసరమైన దుస్తులను సులభంగా గుర్తించవచ్చు. తరచుగా ఉపయోగించని లేదా గుర్తు లేని దుస్తులను కూడా తిరిగి ఉపయోగించేందుకు ఇది సహాయపడుతుంది. అదనంగా AI ఆధారంగా వివిధ దుస్తుల కాంబినేషన్లను సూచించడం, వర్చువల్ ట్రై-ఆన్ వంటి సదుపాయాలు కూడా అందుబాటులోకి రానున్నాయి. దీంతో ప్రతిరోజు వేసుకునే దుస్తుల ఎంపిక మరింత సులభంగా మారనుంది.