Telegram: టెలిగ్రామ్లో కొత్త ఫీచర్.. ఏఐ టెక్స్ట్ ఎడిటర్తో మెరుగైన అనుభవం
ఈ వార్తాకథనం ఏంటి
టెలిగ్రామ్ ఇటీవల తాజా అప్డేట్ను విడుదల చేసింది. ఈ అప్డేట్లో యూజర్ల అనుభవాన్ని మరింత సౌకర్యవంతం చేసే పలు కొత్త ఫీచర్లు పరిచయం చేశారు. ముఖ్యంగా, మెసేజ్ బార్లో ఇంటిగ్రేటెడ్ అయిన AI-పవర్డ్ టెక్స్ట్ ఎడిటర్ హైలైట్గా నిలిచింది. కొత్త AI టూల్ ద్వారా యూజర్లు వ్యాకరణ తప్పుల్ని సరిచేయవచ్చు, వేర్వేరు స్టైల్స్లో మెసేజులను రిరైట్ చేయవచ్చు, అలాగే వివిధ భాషల్లోకి అనువాదం చేసుకోవచ్చు. ఫార్మల్, షార్ట్ వంటి వివిధ టోన్స్లో మెసేజ్లను రూపొందించడానికి ఇది సాయపడుతుంది. ఈ ఫీచర్ కోకన్ AIసిస్టమ్ ద్వారా నడుస్తోంది, ఇది యూజర్ డేటా యాక్సెస్ చేయకుండా ప్రైవసీ ఫ్రెండ్లీగా పనిచేస్తుంది. దీన్ని పెద్ద మెసేజ్ టైప్ చేసినప్పుడు వాడవచ్చు, సెండింగ్ ముందు మాత్రమే యాక్సెస్ అవుతుంది.
వివరాలు
పోల్స్లో కొత్త ఫీచర్లు: మీడియా, లొకేషన్, కొత్త ఆప్షన్లు
టెలిగ్రామ్ పోల్స్ ఫీచర్ కూడా మెరుగుపరచబడింది. యూజర్లు తమ ప్రశ్నలకు, సమాధానాలకు మీడియా, లొకేషన్ జోడించవచ్చు. పాల్గొనేవారు కొత్త ఆప్షన్స్ సూచించడానికి అనుమతించవచ్చు. అదనంగా రివోట్ డిసేబుల్ చేయడం, టైమ్ లిమిట్ సెట్ చేయడం, ఓటింగ్ ముగిసేవరకు ఫలితాలను దాచడం వంటి నియంత్రణలు కూడా ఉన్నాయి. కొన్ని సందర్భాల్లో ఎవరు ఏదానికి ఓటు ఇచ్చారో చూడగలుగుతారు.
వివరాలు
బోట్ ఆప్షన్స్, డాక్యుమెంట్ స్కానర్ & సెక్యూరిటీ
బోట్ API అప్డేట్తో యూజర్లు కోడింగ్ అవసరం లేకుండా కస్టమైజ్డ్ బోట్లు క్రియేట్ చేసి మేనేజ్ చేయవచ్చు. iOSలో డాక్యుమెంట్ స్కానర్ ఫీచర్ ద్వారా ఫోటోలను PDFలోకి మార్చి ఆటో క్రాప్, బ్యాక్గ్రౌండ్ రిమూవ్ చేసుకోవచ్చు. రొటేట్, ఫిల్టర్ లాంటి మాన్యువల్ చేంజ్లను కూడా చేయవచ్చు. అన్ఆఫీషియల్ యాప్లు వాడే ఖాతాదారులకు సెక్యూరిటీ నోటీస్ జోడించబడింది. వీటిలో పంపే మెసేజులు అధికారిక యాప్లతో పంపిన వాటి కంటే తక్కువ సురక్షితంగా ఉండవచ్చని హెచ్చరిస్తోంది. ఈ అప్డేట్తో టెలిగ్రామ్ వినియోగదారులకు మెసేజ్ ఎడిటింగ్, పోల్స్, ఫోటో షేరింగ్, బోట్ క్రియేషన్ వంటి అనేక సౌకర్యాలు ఒకేసారి లభిస్తున్నాయి.