ఇంగ్లండ్ తరుపున ఆదిల్ రషీద్ అద్భుత రికార్డు
ఈ వార్తాకథనం ఏంటి
ఇంగ్లండ్ తరుపున ఆదిల్ రషీద్ అరుదైన రికార్డును సాధించింది. బంగ్లాదేశ్‌తో జరిగిన రెండో వన్డేలో ఇంగ్లండ్ లెగ్ స్పిన్నర్ ఆదిల్ రషీద్ 4/45తో చెలరేగడంతో ఓ అద్భుత రికార్డుకు దగ్గరయ్యాడు. షకిబ్ అల్ హసన్, మహ్మదుల్లా, అఫీఫ్ హుస్సేన్, మెహిదీ హసన్ వికెట్లను తీసి ఇంగ్లండ్‌ను 132 పరుగుల తేడాతో గెలిపించారు. దీంతో రషీద్ వన్డేల్లో ఇంగ్లండ్‌లో అత్యధిక వికెట్లు తీసిన మూడో బౌలర్‌గా నిలిచాడు. రషీద్ గత కొంతకాలంగా వన్డేలో అద్భుతంగా రాణిస్తున్నాడు. బంగ్లాదేశ్‌తో జరుగుతున్న రెండు వన్డేలో ఆరు వికెట్లు తీశాడు. మొదటి మ్యాచ్‌లో 2/47, రెండో మ్యాచ్‌లో 4/45తో సత్తా చాటాడు.
ఆదిల్ రషీద్
ఆదిల్ రషీద్ సాధించిన రికార్డులివే
వన్డేల్లో 181 వికెట్లు తీసిన రషీద్, ప్రస్తుతం స్టువర్ట్ బ్రాడ్ (178) ను అధిగమించాడు. అతని కంటే ముందు లెగ్ స్పిన్నర్ జేమ్స్ అండర్సన్ (269), డారెన్ గోఫ్ (234) ఉన్నారు. 124 మ్యాచ్‌లు ఆడిన రషీద్ 32.44 సగటుతో 181 వికెట్లు తీశాడు. 2009లో ఐర్లాండ్‌పై వన్డేలో అరంగేట్రం చేశాడు. బంగ్లాదేశ్‌తో జరిగిన ఆరు వన్డేల్లో రషీద్ 17 వికెట్లు తీశాడు. ప్రస్తుతం జరుగుతున్న సిరీస్‌లో ఆరు వికెట్లు తీశాడు. రెండో వన్డేలో మొదట బ్యాటింగ్ కు దిగిన ఇంగ్లండ్ 326/7 భారీ స్కోరు చేసింది. జాసన్ రాయ్ (132), జోస్ బట్లర్ (76) చెలరేగారు. అనంతరం బంగ్లాదేశ్ 194 పరుగులకే ఆలౌటైంది.