ప్రాథమిక దర్యాప్తు తర్వాత బ్రిజ్ భూషణ్ పై కేసు నమోదు చేస్తాం
ఈ వార్తాకథనం ఏంటి
లైంగిక వేధింపుల ఆరోపణలు ఎదుర్కొంటున్న భారత రెజ్లింగ్ సమాఖ్య అధ్యక్షుడు, బీజేపీ ఎంపీ బ్రిజ్ భూషణ్ శరణ్ సింగ్ పై చర్యలు తీసుకోవాలని కోరుతూ నాలుగు రోజులగా రెజ్లర్లు ఆందోళన చేస్తున్నారు.
అతనిపై ఎఫ్ఆర్ నమోదు చేయాలని కోరుతూ ఏడుగురు మహిళా రెజ్లర్లు సుప్రీంకోర్టులో పిటిషన్ దాఖలు చేసిన విషయం తెలిసిందే. దీనిపై సుప్రీంకోర్టు స్పందించి ఢిల్లీ పోలీసులకు నోటిసులిచ్చింది.
తాజాగా ఢిల్లీ పోలీసులు బుధవారం కోర్టుకు వివరణ ఇచ్చారు. కేసు నమోదుకు ముందు కొంత ప్రాథమిక దర్యాప్తు చేయాల్సి ఉంటుందని పోలీసులు తెలియజేశారు. ఢిల్లీ పోలీసుల తరుపున సొలిసిటర్ జనరల్ తుషార్ మెహత్ కోర్టుకు తెలియజేశాడు.
Details
రెజ్లర్ల పిటిషన్ పై ఏప్రిల్ 26న విచారణ
ఎఫ్ఆర్ నమోదు చేయడానికి ముందు కొంత దర్యాప్తు చేయాలని తాము భావిస్తున్నామని, నేరుగా ఎఫ్ఆర్ నమోదు చేయాలని సుప్రీంకోర్టు చెబితే తాము ఆలాగే చేస్తామని, అయితే పోలీసులు ఎఫ్ఆర్ నమోదు చేయాలేదనే అభిప్రాయాన్ని ప్రజల్లో కలిగించకూడదని తుషార్ మెహతా కోర్టుకు విన్నవించాడు.
డివై. చంద్రచూడ్ నేతృత్వంలో ఏప్రిల్ 28న విచారణ జరగనుందని, ఆ రోజున పోలీసులు తమ అభిప్రాయాలను కోర్టుకు తెలియజేసే అవకాశం ఉంది. రెజ్లర్ల పిటిషన్ పై వచ్చే శుక్రవారం సుప్రీంకోర్టు విచారణ జరపనుంది.
మరోపక్క బ్రిజ్ భూషణ్ ను అరెస్టు చేసేంతవరకు తమ ఆందోళన కొనసాగుతూనే ఉంటుందని రెజ్లర్లు స్పష్టం చేశారు.