ఆస్ట్రేలియా పేపర్ పైనే ఫెవరేట్ జట్టు : రవిశాస్త్రి
ఈ వార్తాకథనం ఏంటి
వరుసగా రెండో సీజన్లో ఐసీసీ వరల్డ్ టెస్టు ఛాంపియన్ ఫైనల్ మ్యాచును టీమిండియా ఆడబోతోంది. అప్పట్లో విరాట్ కోహ్లీ కెప్టెన్సీలో డబ్య్లూటీసీ ఫైనల్ ఆడిన భారత జట్టు, ఈసారి రోహిత్ శర్మ కెప్టెన్సీలో బరిలోకి దిగనుంది.
ఫైనల్ కు దగ్గరపడుతున్న తరుణంలో పలువురు మాజీ క్రికెటర్లు తమ అభిప్రాయాలను వ్యక్తం చేస్తున్నారు. దీనిపై టీమిండియా మాజీ కోచ్ రవిశాస్త్రి కూడా స్పందించాడు.
ఆస్ట్రేలియాను పేపర్ పై చూస్తే టీమిండియా కంటే ఫేవరేట్ గా కనిపిస్తున్నా.. ఈ మ్యాచ్ కోసం టీమిండియానే ఎక్కువ కష్టపడిందని పేర్కొన్నారు.
ఇంకా ఆస్ట్రేలియా మాజీ కెప్టెన్ రికీ పాంటింగ్, పాకిస్థాన్ మాజీ కెప్టెన్ వసీం అక్రమ్ కూడా ఇదే అభిప్రాయాన్ని వ్యక్తం చేశారు.
Details
ఆటగాళ్లకు ఫిట్ నెస్ ముఖ్యం
పేస్ బౌలింగ్ లో ఒకవేళ బుమ్రా ఉంటే టీమిండియా బౌలింగ్ కాస్త బలంగా ఉండేదని, ఆస్ట్రేలియా తరుపున స్టార్క్, కమిన్స్ తో పేస్ బౌలింగ్ కొంచెం బలంగా ఉందని, ముఖ్యంగా ఫిటెనెస్ కూడా ముఖ్యమని రవిశాస్త్రి పేర్కొన్నారు.
ఐదురోజుల పాటు రోజు ఆరు గంటల పాటు మైదానంలో ఉండడం, రెండు గంటల పాటు నెట్స్ లో ప్రాక్టీస్ చేయడం వేరు అని, ప్రస్తుతం గిల్, విరాట్ కోహ్లీ, జడేజా, అంజిక్యా రహానే మంచి ఫామ్ లో ఉన్నారని అతను చెప్పుకొచ్చాడు.
ఫిట్ నెస్ పరంగా టీమిండియా కంటే ఆస్ట్రేలియాకు ఎక్కువ అవకాశాలున్నాయని తెలియజేశాడు.