బ్యాట్ పట్టుకున్న బ్రిటన్ ప్రధాని రిషి సునాక్.. వీడియో
బ్రిటన్ ప్రధాని రుషి సునాక్ తన చర్యతో మరోసారి సోషల్ మీడియాలో వైరల్‌గా మారాడు. టీ20 వరల్డ్ ఛాంపియన్స్ గా నిలిచిన ఇంగ్లండ్ జట్టుతో రుషి సునాక్ సరాదాగా క్రికెట్ ఆడాడు. తాను నివాసం ఉంటున్న 10 డౌనింగ్స్ స్ట్రీట్ కు ఇంగ్లండ్ ప్లేయర్ల్స్ ను ముఖ్య అతిథిగా ఆయన ఆహ్వానించాడు. కెప్టెన్ బట్లర్ తో సహా సామ్ కర్రన్, డేవిడ్ మలాన్ ఫిల్ స్టాల్, టైమల్ మిల్స్, రిచర్డ్, క్రిస్ జోర్డాన్‌లు హాజరయ్యారు. ఈ నేపథ్యంలో వారితో ప్రధానమంత్రి సరాదాగా గడిపాడు. క్రిస్ జోర్డాన్ బౌలింగ్ లో రుషి సునాక్ కొన్ని భారీ షాట్లు కొట్టాడు. ఆ తర్వాత జోర్డన్ బంతిని పుల్ చేయబోయు స్లిప్ క్యాచ్ ఇచ్చి ప్రధానమంత్రి ఔటయ్యాడు.
సామ్ కరన్‌ను క్లీన్ బౌల్డ్ చేసిన రుషిసునాక్
ఆ తర్వాత బౌలింగ్ చేసిన రుషిసునాక్.. సామ్ కరన్‌ను క్లీన్ బౌల్డ్ చేయడం విశేషం. దీనికి సంబంధించిన వీడియోను సర్రీ క్రికెట్ తన ట్విట్టర్ హ్యాండిల్ లో షేర్ చేసింది. టీ20 ఛాంపియన్స్ గా నిలిచిన ఇంగ్లండ్ జట్టును ప్రధాన మంత్రి రిషి సునాక్ అభినందించడానికి తన నివాసానికి ఆహ్వనించినట్లు ప్రధాన మంత్రి కార్యాలయం స్పష్టం చేసింది. గతేడాది టీ20 ప్రపంచ కప్ ఫైనల్లో పాకిస్థాన్ ను ఓడించి ఇంగ్లండ్ విశ్వవిజేతగా నిలిచిన విషయం తెలసిందే.
