Duleep Trophy 2023: దులీప్ ట్రోఫీ టైటిల్ విజేత సౌత్ జోన్; వెస్ట్ జోన్‌పై విజయం
ఈ వార్తాకథనం ఏంటి
దులీప్ ట్రోఫీ 2023 టైటిల్ విజేతగా సౌత్ జోన్ నిలిచింది. పేసర్ వి.కౌశిక్, లెఫ్ట్ ఆర్మ్ స్పిన్నర్ ఆర్.సాయి కిషోర్ అద్భుత బౌలింగ్‌తో ఎం.చిన్నస్వామి స్టేడియంలో జరిగిన ఫైనల్లో డిఫెండింగ్ ఛాంపియన్స్ వెస్ట్ జోన్‌పై 75 పరుగుల తేడాతో సౌత్ జోన్ విజయం సాధించింది.
ఈ విజయంతో సౌత్ జోన్ 14 దులీప్ ట్రోఫీ టైటిళ్లను సొంతం చేసుకుంది.
బెంగళూరు వేదికగా జరిగిన ఈ మ్యాచ్‌లో డబ్ల్యూజోన్ టాస్ గెలిచి బౌలింగ్ ఎంచుకుంది.
హనుమ విహారి (63), తిలక్ వర్మ (40) ధాటికి సౌత్ జోన్ 213 చేయగలిగింది.
అనంతరం బ్యాటింగ్‌కు దిగిన వెస్ట్ జోన్ కేవలం 146 పరుగులకే ఆలౌట్ అయ్యింది. సౌత్‌జోన్ బౌలర్ విద్వాత్ కావేరప్ప ఏడు వికెట్లతో రెచ్చిపోయాడు.
క్రికెట్
ప్రియాంక్ పంచల్ 95 పరుగులు వృథా
రెండో ఇన్నింగ్స్‌లో సౌత్ జోన్ 230 పరుగులు చేసి 298 పరుగుల లక్ష్యాన్ని వెస్ట్ జోన్‌కు నిర్దేశించింది. అనంతరం బ్యాటింగ్‌కు దిగిన వెస్ట్ జోన్ 222 పరుగులకే కుప్పకూలింది.
దీంతో వెస్ట్ జోన్ ప్రియాంక్ పంచల్ చేసిన 95 పరుగులు వృథా అయ్యాయి.
సౌత్ జోన్‌కి 2010-11 తర్వాత ఇదే మొదటి దులీప్ ట్రోఫీ టైటిల్ కావడం గమనార్హం.
ఫైనల్లో ఎనిమిది వికెట్లు తీసిన కావేరప్ప ప్లేయర్ ఆఫ్ ద మ్యాచ్ అవార్డును గెలుచుకున్నాడు.
జులై 24 నుంచి ఆగస్టు 3 వరకు పుదుచ్చేరిలో జరగనున్న దేవధర్ ట్రోఫీకి భారత పురుషుల దేశవాళీ ఆటగాళ్లు ఇప్పుడు సన్నద్ధం కానున్నారు.