Zaheer Khan: 16 ఏళ్ల తర్వాత మార్పు.. సీఎస్కే హెడ్ కోచ్గా జహీర్ఖాన్
ఈ వార్తాకథనం ఏంటి
చైన్నై సూపర్ కింగ్స్ (సీఎస్కే) కీలక నిర్ణయం తీసుకుంది. 16 ఏళ్ల పాటు జట్టుకు ప్రధాన కోచ్గా పనిచేసిన స్టీఫెన్ ఫ్లెమింగ్ను తప్పించి.. ఆ బాధ్యతలను టీమ్ఇండియా మాజీ పేసర్ జహీర్ఖాన్కు అప్పగించింది. ఈ విషయాన్ని సీఎస్కే సోమవారం 'ఎక్స్' వేదికగా అధికారికంగా ప్రకటించింది. ఐపీఎల్లో ఓ జట్టుకు హెడ్ కోచ్గా వ్యవహరించడం జహీర్ఖాన్కు ఇదే తొలిసారి. గతంలో అతడు 2018 నుంచి 2022 వరకు వివిధ హోదాల్లో ముంబయి ఇండియన్స్తో కలిసి పనిచేశాడు. ఇప్పుడు సీఎస్కే ప్రధాన కోచ్గా కొత్త బాధ్యతలు చేపట్టనున్నాడు.
వివరాలు
టీమిండియా తరుపున 200 వన్డేలు ఆడిన అనుభవం
జహీర్ఖాన్ భారత క్రికెట్లో సుదీర్ఘకాలం సేవలందించిన పేసర్లలో ఒకడు. అతడు టీమ్ఇండియా తరఫున 200 వన్డేలు, 92 టెస్టులు, 17 టీ20లు ఆడాడు.
2011 వన్డే ప్రపంచకప్ అనంతరం అంతర్జాతీయ క్రికెట్కు వీడ్కోలు పలికాడు.
16 ఏళ్లుగా సీఎస్కేకు ప్రధాన కోచ్గా కొనసాగిన స్టీఫెన్ ఫ్లెమింగ్ స్థానంలో జహీర్ఖాన్ రావడంతో.. వచ్చే ఐపీఎల్ సీజన్లో జట్టు వ్యూహాలు, కోచింగ్ వ్యవహారాల్లో ఎలాంటి మార్పులు ఉంటాయన్న ఆసక్తి నెలకొంది.