Srilanka: శ్రీలంక మాజీ క్రికెటర్ నిరోషన దారుణ హత్య.. స్థానిక మీడియా ప్రకటన
శ్రీలంక మాజీ క్రికెటర్ ధామిక నిరోషన(41) దారుణ హత్యకు గురయ్యాడు. భార్య, పిల్లల ఎదుటే ఓ దుండగుడు అతన్ని దారుణంగా కాల్పి చంపాడు. మంగళవారం రాత్రి ఈ ఘటన చోటు చేసుకున్నట్లు స్థానిక మీడియా పేర్కొంది.శ్రీలంకలోని గాలె జిల్లాలోని అంబాలన్‌గోడా ప్రాంతంలో ధామిక కొన్నేళ్లుగా నివాసం ఉంటున్నాడు. మంగళవారం రాత్రి ఓ వ్యక్తి అతడి ఇంట్లోకి చొరబడి ధామిక నిరోషనపై దాడి చేశాడు. అతడి కుటుంబ సభ్యుల ముందే తుపాకీతో కాల్పలు జరిపాడు. అనంతరం అక్కడి నుంచి పరారయ్యాడు. ఈ ఘటనలో తీవ్రంగా గాయపడిన ధామిక అక్కడికక్కడే ప్రాణాలు కోల్పోయాడు
ధామిక 2000 సంవత్సరంలో శ్రీలంక అండర్ 19 జట్టు‌కు సారథి
సమాచారమందుకున్న పోలీసులు ఘటనా స్థలికి చేరుకొని దర్యాప్తు చేపట్టారు. కాల్పులకు గల కారణాలు తెలియరాలేదని పోలీసులు మీడియాకు వెల్లడించారు. ధామిక 2000 సంవత్సరంలో శ్రీలంక అండర్ 19 జట్టు‌కు సారథి రైట్ హ్యాండ్ ఫాస్ట్ బౌలర్ అయిన ధామిక 2000 సంవత్సరంలో శ్రీలంక అండర్ 19 జట్టు‌కు సారథిగా వ్యవహరించాడు. రెండేళ్ల పాటు వన్డేలు, టెస్ట్ మ్యాచ్‌లు ఆడాడు.ఆ తర్వాత కొంతకాలం ఫస్ట్ క్లాస్, లిస్ట్ ఏ మ్యాచ్‌లకు ప్రాతినిథ్యం వహించిన ధామిక.. వ్యక్తిగత కారణాలతో 20 ఏళ్ల వయసులోనే క్రికెట్‌ను వదిలేశాడు. అతని అకాల మరణం పట్ల శ్రీలంక క్రికెటర్లు దిగ్భ్రాంతి వ్యక్తం చేశారు.
