Stuart Broad: రిటైర్మెంట్ ప్రకటించిన ఇంగ్లండ్ స్టార్ క్రికెటర్ స్టువర్ట్ బ్రాడ్
ఈ వార్తాకథనం ఏంటి
ఇంగ్లండ్ స్టార్ బౌలర్ స్టువర్ట్ బ్రాడ్(Stuart Broad) అంతర్జాతీయ క్రికెట్‌కు రిటైర్మెంట్ ప్రకటించాడు. ప్రస్తుతం జరుగుతున్న యాషెన్ సిరిస్‌లో 5వ టెస్టు మ్యాచ్ తనకు చివరిదని బ్రాడ్ వెల్లడించాడు.
2006లో అంతర్జాతీయ క్రికెట్ ఆరంగేట్రం చేసిన స్టువర్ట్ బ్రాడ్ తన 17 ఏళ్ల సుదీర్ఘ కెరీర్‌లో ఎన్నో అరుదైన రికార్డులను సాధించాడు.
ఇంగ్లండ్ తరుపున 166 టెస్టుల్లో 27.68 సగటుతో 600 వికెట్లు తీశాడు. దీంతో అత్యధిక వికెట్లు తీసిన బౌలర్ల జాబితాలో ఐదో స్థానంలో కొనసాగుతున్నాడు.
2016లో చివరి వన్డే ఆడిన బ్రాడ్ అప్పటి నుంచి టెస్టులకే పరితమయ్యాడు. ఇంగ్లాండ్ తరపున జేమ్స్ అండర్సన్ 182 మ్యాచులు ఆడి అగ్రస్థానంలో కొనసాగుతుండగా.. స్టువర్ట్ బ్రాడ్ 166 టెస్టులతో రెండో స్థానంలో ఉన్నాడు.
Details
స్టువర్ట్ బ్రాడ్ సాధించిన రికార్డులివే
ఇంగ్లండ్ తరుపున 121 వన్డేలు, 56 టీ20లు, 166 టెస్టులు ఆడిన బ్రాడ్, ఇప్పటివరకూ అన్ని ఫార్మాట్లో కలిపి 845 వికెట్లు పడగొట్టాడు. తన కెరీర్‌లో నాలుగు సార్లు యాషెస్ కప్, ఒక టీ20 వరల్డ్ కప్ గెలిచాడు.
ఇక వన్డేలో 178 వికెట్లు, టీ20ల్లో 65 వికెట్లను తీశాడు. టెస్టులో ఓ సెంచరీ, 13 అర్ధసెంచరీలతో 3640 పరుగులు చేశాడు.
స్టువర్ట్ బ్రాడ్ ఫస్ట్ క్లాస్ క్రికెట్‌లో 260 మ్యాచులు ఆడి 930 వికెట్లను సాధించాడు. డేవిడ్ వార్నర్ ని 17 సార్లు ఔట్ చేసి టెస్టు క్రికెట్ చరిత్రలో ఓ ప్లేయర్ అత్యధిక సార్లు ఔట్ చేసిన బౌలర్‌గా రికార్డుకెక్కాడు.