Fielder Clicks Finger Video: క్రికెట్లో షాకింగ్ మోసం.. వేళ్లతో చిటికె వేసి బ్యాటర్ను అవుట్ చేయించిన ఫీల్డర్.. వీడియో వైరల్
ఈ వార్తాకథనం ఏంటి
క్రికెట్ చరిత్రలో అరుదుగా కనిపించే ఓ వినూత్న మోసం తాజాగా వెలుగులోకి వచ్చింది. ఇప్పటివరకు బాల్ టాంపరింగ్, ఫేక్ ఫీల్డింగ్ వంటి వివాదాలు మాత్రమే చూసిన అభిమానులకు ఈసారి మరో కొత్త తరహా ఘటన షాక్కు గురిచేసింది. ఓ ఫీల్డర్ తన వేళ్లతో చిటికె వేసి, బంతి బ్యాట్ను తాకినట్లుగా అంపైర్ను తప్పుదోవ పట్టించి బ్యాటర్ను అవుట్ చేయించడం ప్రస్తుతం తీవ్ర చర్చనీయాంశంగా మారింది. దీనికి సంబంధించిన వీడియో సోషల్ మీడియాలో వేగంగా వైరల్ అవుతోంది.
ట్విట్టర్ పోస్ట్ చేయండి
నెట్టింట వైరల్ అవుతున్న వీడియో..
Boro 2s skippa here, was 2 more incidents during this game, leading to a 15 and 16 year old being cheated out of an innings, along with this one. I was at the non strikers end at the time unknowingly watching them cheat in real time. We lost this game by 29 runs. Shocking. pic.twitter.com/BTTngKbjw3
— rory99 (@rorycotters9) July 27, 2026
వివరాలు
బంతి బ్యాట్ను తాకకుండానే వికెట్ కీపర్ చేతుల్లోకి..
ఈ సంఘటన ఇంగ్లాండ్లోని నార్త్ యార్క్షైర్ అండ్ సౌత్ డర్హామ్ క్రికెట్ లీగ్ డివిజన్-2లో జరిగిన సాల్ట్బర్న్ క్రికెట్ క్లబ్, మిడిల్స్బ్రో సెకండ్ ఎలెవన్ జట్ల మ్యాచ్లో చోటుచేసుకుంది.
మ్యాచ్ సందర్భంగా బ్యాటర్ ఒక బంతిని ఆడేందుకు ప్రయత్నించాడు.
అయితే బంతి బ్యాట్ను ఏమాత్రం తాకకుండా నేరుగా వికెట్ కీపర్ చేతుల్లోకి వెళ్లింది.
అదే సమయంలో ఫస్ట్ స్లిప్లో ఫీల్డింగ్ చేస్తున్న సాల్ట్బర్న్ ఆటగాడు, బంతి బ్యాట్ను దాటే క్షణంలో తన వేళ్లతో గట్టిగా చిటికె వేశాడు.
ఆ శబ్దాన్ని బంతి బ్యాట్ అంచుకు తగిలిన శబ్దంగా భావించిన అంపైర్, బ్యాటర్ను క్యాచ్ అవుట్గా ప్రకటించాడు.
వివరాలు
వివాదం మరింత తీవ్రరూపం..
ఈ ఘటనపై మిడిల్స్బ్రో సెకండ్ ఎలెవన్ కెప్టెన్ రోరీ కాటరిల్ తీవ్ర అసంతృప్తి వ్యక్తం చేశారు.
మ్యాచ్లో సాల్ట్బర్న్ జట్టు 29 పరుగుల తేడాతో గెలిచినప్పటికీ, 15 నుంచి 16 ఏళ్ల మధ్య వయస్సు గల యువ ఆటగాళ్లను లక్ష్యంగా చేసుకుని ఇలాంటి 'ఫేక్-ఎడ్జ్' మోసానికి పాల్పడ్డారని ఆయన ఆరోపించారు.
ఒక్క మ్యాచ్లోనే ఇలాంటి సంఘటనలు దాదాపు మూడు సార్లు జరిగాయని, నాన్-స్ట్రైకర్ ఎండ్లో ఉన్న తనకు మొదట్లో అసలు ఏం జరుగుతుందో అర్థం కాలేదని చెప్పారు.
అనంతరం ఇతర మ్యాచ్లకు సంబంధించిన వీడియోలు కూడా బయటకు రావడంతో ఈ వివాదం మరింత తీవ్రరూపం దాల్చింది.