ధోనీ ఫ్యాన్స్‌లో ఇతని కంటే అదృష్టవంతుడు ఉండడేమో!
ఈ వార్తాకథనం ఏంటి
భారత జట్టు మాజీ కెప్టెన్, మిస్టర్ కూల్ మహేంద్రసింగ్ ధోనీ క్రేజ్ గురించి ప్రత్యేకంగా చెప్పనక్కర్లేదు. రెండేళ్ల క్రితమే రిటైర్మెంట్ తీసుకున్నప్పటికీ.. అభిమానులు ఇంకా ధోనీని గుండెల్లో పెట్టుకొని ఆరాధిస్తున్నారు. అలాగే ధోని కూడా తన అభిమానుల పట్ల ప్రత్యేక కృతజ్ఞతతో ఉంటాడు. తాజాగా ధోనీ.. తన అభిమానికి ఇచ్చిన ఆటోగ్రాఫ్ వీడియో ప్రస్తుతం సామాజిక మాధ్యమాల్లో వైరల్ అవుతోంది.
ఇటీవల ధోనీ వింబుల్డన్ చూసేందుకు యూకే వెళ్లారు. అక్కడ ఓ అభిమాని ఆటోగ్రాఫ్ అడిగాడు. దీంతో ధోనీ అభిమాని కోరిక మేరకు అతని టీషర్ట్‌పై ఆటోగ్రాఫ్ ఇచ్చాడు . ఆ వీడియో ఇప్పుడు సోషల్ మీడియాలో చక్కర్లు కొడుతోంది.
ధోని
ఎల్లలు దాటిన ధోనీ అభిమానం..
ధోనీకి అభిమానులు ఇండియాలోనే కాదు.. ప్రపంచవ్యాప్తంగా ఉన్నారనడానికి తాజాగా జరిగిన సంఘటనే నిదర్శనం. సమకాలిన దేశీయ క్రికెట్లో సచిన్ తర్వాత.. ఆ స్థాయిలో అభిమానులను సంపాదించుకున్న ఆటగాడు ధోనీ ఒక్కడే. అతడు సాధించిన ఘనతలే.. ధోనీని దిగ్గజాల సరసన చేర్చాయి.
ధోనీ తన 15 ఏళ్ల కెరీర్‌లో టీ20 ప్రపంచ కప్, ఛాంపియన్స్ ట్రోఫీ, వన్డే ప్రపంచ కప్‌ను దేశానికి అందించాడు. ఈ ఫీట్ సాధించిన ఏకైక కెప్టెన్ ధోనీ మాత్రమే. బ్యాటింగ్, అసాధారణ వికెట్ కీపింగ్ నైపుణ్యాలతో జట్టుకు ఎన్నో విజయాలను అందించాడు.