Shubman Gill: వన్డే సిరీస్‌కు గిల్‌ ఔట్‌? మెడ గాయం టీమ్‌ఇండియాకు షాక్!
ఈ వార్తాకథనం ఏంటి
టీమిండియా కెప్టెన్‌ శుభ్‌మన్‌ గిల్‌ మెడ గాయంతో దక్షిణాఫ్రికాతో జరగనున్న వన్డే సిరీస్‌కు కూడా దూరమయ్యే అవకాశాలు కనిపిస్తున్నాయి. తొలి టెస్టు మధ్యలోనే గాయం కారణంగా బయటికెళ్లిన గిల్‌, రెండో టెస్టులోనూ ఆడలేదన్న విషయం తెలిసిందే. ఆయన మెడ నొప్పి పూర్తిగా తగ్గడానికి ఇంకా సమయం పడుతుందని జట్టు వర్గాలు చెబుతున్నాయి. ఈ పరిస్థితిలో వన్డే సిరీస్‌కు గిల్‌ స్థానంలో రిషబ్‌ పంత్‌ లేదా కేఎల్‌ రాహుల్‌ నాయకత్వం వహించే అవకాశాలు బలంగా వినిపిస్తున్నాయి. ప్రస్తుతం గిల్‌ ముంబయిలోనే ఉంటూ వైద్య పరీక్షలు చేయించుకుంటున్నాడని సమాచారం. అయితే, వచ్చే టీ20 సిరీస్‌ నాటికి గిల్‌ పూర్తిగా కోలుకుంటాడని సెలక్టర్లు ఆశిస్తున్నారని ఒక బీసీసీఐ అధికారి వెల్లడించారు.
Details
జస్ప్రిత్‌ బుమ్రాకు విశ్రాంతి ఇచ్చే అవకాశం
గిల్‌ దూరమైతే వన్డేలలో రోహిత్‌ శర్మతో కలిసి యశస్వి జైశ్వాల్‌ ఇన్నింగ్స్‌ను ప్రారంభించే అవకాశం ఉంది. అభిషేక్‌ శర్మ రిజర్వ్‌ ఓపెనర్‌గా నిలుస్తాడని అంచనా. పేస్‌ విభాగంలో హర్షిత్‌ రాణా, మహ్మద్‌ సిరాజ్‌, అర్ష్‌దీప్‌ సింగ్‌ బాధ్యతలు మోస్తారు. ఆకాశ్‌ దీప్‌ కూడా జట్టులో స్థానం కోసం పోటీ పడుతున్నాడు. ఇదే సమయంలో జస్ప్రిత్‌ బుమ్రాకు విశ్రాంతి ఇవ్వాలని యోచిస్తున్నారు. వ్యక్తిగత కారణాలతో కుల్‌దీప్‌ యాదవ్‌ కూడా ఈ సిరీస్‌కు దూరంగా ఉండే అవకాశం ఉంది. స్పిన్‌ విభాగాన్ని అక్షర్‌ పటేల్‌, వరుణ్‌ చక్రవర్తి, వాషింగ్టన్‌ సుందర్‌ చూసుకునే అవకాశముంది.