మాకు ఆడేందుకు అవకాశం ఇవ్వండి.. తాలిబాన్ నిషేధం తర్వాత ఆప్ఘనిస్తాన్ మహిళా క్రికెటర్ల అవేదన
ఈ వార్తాకథనం ఏంటి
ఆప్ఘనిస్తాన్ కు ఆగస్టు 15, 2021 చీకటి రోజు అని చెప్పొచ్చు. తాలిబన్లు ఆధీనంలో ఆప్ఘాన్ వెళ్లిపోవడంతో లక్షలాది మంది ప్రజలు దేశం విడిచి పారిపోవాల్సి వచ్చింది.
ఇప్పటికీ ఆ దేశంలో మహిళలకు పూర్తిగా స్వేచ్ఛను కల్పించలేదు.
తాలిబన్లు ఆప్ఘన్ దేశంలో పూర్తిగా మహిళలకు క్రీడలు, విద్యను నిషేధించారు. దీని వల్ల మహిళ క్రికెట్ జట్టు పూర్తిగా నష్టపోయింది.
ఇక ఆఫ్ఘనిస్తాన్ చెందిన ప్లేయర్ ఫిరూజా అమిరి మాట్లాడుతూ రెండేళ్లకు పైగా అంతర్జాతీయ క్రికెట్ జట్టులో స్థానం కోసం ఎదురుచూస్తున్నానని, మహిళల జట్టులో ఆడేందుకు ఐసీసీ, ఆప్ఘనిస్తాన్ క్రికెట్ బోర్డు సహకరించాలని ఆమె కోరారు.
Details
ఆప్ఘనిస్తాన్ మహిళల కలలు నాశనమయ్యాయి
దురదృష్టవశాత్తు రెండు వారాల క్రితం తాలిబాన్లు రెండో వార్షికోత్సవం జరుపుకున్నారని, అది తమకు బ్లాక్ డే నని, ఆఫ్ఘనిస్తాన్ అమ్మాయిలందరికీ బ్లాక్ డే అని, తమ కలలను నాశనం చేసిన రోజు అని అమిరి వెల్లడించింది.
అమిరి సహచరులలో ఒకరైన ఫ్రిబా హాట్క్ మాట్లాడుతూ తాలిబాన్ వచ్చిన రోజు నుంచి మొత్తం తమ జట్టు కలలు చెదిరిపోయాయని పేర్కొంది.
అప్ఘనిస్తాన్ మహిళలు తాలిబన్లను నిర్ణయాలను వ్యతిరేకిస్తున్నా, ఫలితం లేకుండా పోతోంది.