వన్డే ప్రపంచకప్ 2023: ఆస్ట్రేలియా వర్సెస్ శ్రీలంక.. ఎవరు గెలుస్తారో?
ఈ వార్తాకథనం ఏంటి
ఐసీసీ వన్డే ప్రపంచకప్ 2023 లో భాగంగా ఈరోజు ఆస్ట్రేలియా, శ్రీలంక మధ్య మ్యాచ్ జరుగుతుంది. లక్నో లోని ఏకనా స్టేడియంలో ఈ మ్యాచ్ జరుగుతోంది. టాస్ గెలిచిన శ్రీలంక బ్యాటింగ్ ఎంచుకుంది.
వన్డే ప్రపంచకప్ 2023లో ఆస్ట్రేలియా, శ్రీలంక జట్లు ఇప్పటివరకు తలా రెండు మ్యాచులు ఆడాయి. కానీ ఒక్క మ్యాచులోనూ గెలవలేకపోయాయి.
బ్యాటింగ్ లైనప్ సరిగ్గా లేకపోవడంతో ఆస్ట్రేలియా జట్టు ఇండియాపై ఘోర పరాజయాన్ని చవిచూసింది. అలాగే దక్షిణాఫ్రికా మీద కూడా ఆస్ట్రేలియా గెలవలేకపోయింది.
దీంతో ఇప్పుడు శ్రీలంకతో ఖచ్చితంగా గెలవాలి. లేదంటే, వరుసగా మూడు పరాజయాలు చవిచూసిన జట్టుగా మారుతుంది.
Details
ప్రపంచకప్ చరిత్రలో శ్రీలంకపై ఆస్ట్రేలియాదే పై చేయి
ప్రపంచ కప్ చరిత్ర చూసుకుంటే ఆస్ట్రేలియా, శ్రీలంక జట్లు ఇప్పటివరకు 11సార్లు తలపడ్డాయి. అందులో 8సార్లు ఆస్ట్రేలియా గెలిస్తే, 2సార్లు శ్రీలంక నెగ్గింది. ఒకసారి ఫలితం తేలలేదు.
ఇటు అంతర్జాతీయ వన్డేల పరంగా చూసుకున్నా కూడా ఆస్ట్రేలియాదే పైచేయి కనిపిస్తోంది.
ఇప్పటివరకు అంతర్జాతీయ వన్డేల్లో 103మ్యాచులలో ఆస్ట్రేలియా, శ్రీలంక తలపడ్డాయి. ఇందులో 63సార్లు ఆస్ట్రేలియా గెలవగా, 36సార్లు శ్రీలంక నెగ్గింది. 4సార్లు ఫలితం తేలలేదు.
ఎలా చూసుకున్నా ఆస్ట్రేలియాదే పై చేయి కనిపిస్తోంది. మరి ఈసారి కూడా పై చేయి సాధించి శ్రీలంకను ఓడించి పాయింట్ల పట్టికలో ఖాతా తెరుస్తుందో లేదో చూడాలి.