IND vs PAK: భారత్-పాకిస్థాన్ హై వోల్టేజ్ పోరు.. తుది జట్టులోకి కుల్దీప్ యాదవ్ ఎంట్రీ ఉంటుందా?
ఈ వార్తాకథనం ఏంటి
టీ20 ప్రపంచకప్ లో భారత్-పాకిస్థాన్ మధ్య జరిగే హై వోల్టేజ్ పోరుకు ముందు టీమిండియాలో మార్పులపై చర్చ జోరందుకుంది. మాజీ భారత కెప్టెన్ సునీల్ గవాస్కర్ ఆసక్తికర వ్యాఖ్యలు చేశారు. పాకిస్థాన్తో మ్యాచ్లో పేసర్ అర్ష్దీప్ సింగ్ స్థానంలో లెగ్ స్పిన్నర్ కుల్దీప్ యాదవ్ ను ఆడించే అవకాశముందని ఆయన అభిప్రాయపడ్డారు. నమీబియాతో జరిగిన మ్యాచ్లో అర్ష్దీప్ భారీగా పరుగులు ఇవ్వడంతో పాటు నాలుగు ఓవర్లు కూడా పూర్తి చేయలేకపోయాడని గవాస్కర్ గుర్తుచేశారు. మరోవైపు మిగతా బౌలర్లు వికెట్లు సాధించడం గమనార్హమని పేర్కొన్నారు. ఈ పరిస్థితుల నేపథ్యంలో పాకిస్థాన్ మ్యాచ్ను దృష్టిలో పెట్టుకుని జట్టు వ్యూహంలో మార్పులు చోటుచేసుకోవచ్చని సూచించారు.
Details
స్పిన్నర్లకు అనుకూలంగా పిచ్ లు
శ్రీలంక పిచ్లు సాధారణంగా స్పిన్నర్లకు అనుకూలంగా ఉంటాయని, భారత్ గతంలో ముగ్గురు స్పిన్నర్లతో ఆడిన అనుభవం ఉందని గవాస్కర్ తెలిపారు. కొలంబో వేదికగా జరిగే పాక్ మ్యాచ్లో కుల్దీప్ యాదవ్ ప్లేయింగ్ ఎలెవన్లో ఉండే అవకాశముందని అంచనా వేశారు. అలాగే భారత కెప్టెన్ సూర్యకుమార్ యాదవ్ బౌలింగ్ మార్పులు కూడా పాకిస్థాన్ను దృష్టిలో పెట్టుకుని చేసినట్టుగా కనిపిస్తున్నాయని విశ్లేషించారు. హార్దిక్ పాండ్యాతో తొలి ఓవర్ వేయించడం అర్ష్దీప్ స్థానంపై సందేహాలకు తావిస్తోందన్నారు. వరుణ్ చక్రవర్తి నాలుగు ఓవర్లు పూర్తిగా వేయి ఉంటే ఐదు లేదా ఆరు వికెట్లు తీసే వాడని వ్యాఖ్యానించారు. ఇక అక్షర్ పటేల్ మూడు ఓవర్లలో రెండు వికెట్లు తీయడం జట్టుకు అనుకూల సంకేతమని చెప్పారు.
Details
క్రీజులో ఎక్కువసేపు ఉండాలి
బ్యాటింగ్ విషయానికి వస్తే, సంజూ శాంసన్ ఆటపై కూడా గవాస్కర్ స్పందించారు. అనారోగ్యంతో ఉన్న అభిషేక్ శర్మ స్థానంలో వచ్చిన సంజూ, 8 బంతుల్లో 22 పరుగులు చేసి అవుట్ అయ్యాడని గుర్తుచేశారు. ఎక్కువ లోతుగా వెళ్లి ఫ్లిక్ షాట్ ఆడడం అతని సాంకేతిక లోపంగా మారుతోందని పేర్కొన్నారు. కొత్త బంతితో ఓపెనింగ్ చేసే సమయంలో మరింత జాగ్రత్తగా ఆడాలని సూచించారు. నమీబియా బౌలర్లు సంజూ కోసం ప్రత్యేక ఫీల్డింగ్ అమరికలు చేసినప్పటికీ, అతను కొట్టిన కొన్ని అద్భుత షాట్లు అతనికి ఆత్మవిశ్వాసాన్ని ఇచ్చాయని గవాస్కర్ అభిప్రాయపడ్డారు. పాకిస్థాన్తో మ్యాచ్లో అవకాశం లభిస్తే క్రీజ్లో ఎక్కువ సమయం గడపడం ముఖ్యం అని ఆయన సూచించారు.