India Vs Japan: 'స్నేహం కొత్త ఇన్నింగ్స్'.. భారత్, జపాన్ మధ్య ప్రత్యేక టీ20 మ్యాచ్
ఈ వార్తాకథనం ఏంటి
భారత్, జపాన్ క్రికెట్ జట్లు తొలిసారి ఒక ప్రత్యేక టీ20 మ్యాచ్లో తలపడనున్నాయి. సెప్టెంబర్ 22న జపాన్లోని సానో వేదికగా ఈ మ్యాచ్ జరగనుంది. ఇరు దేశాల క్రికెట్ జట్ల మధ్య ఇదే తొలి అంతర్జాతీయ స్థాయి పోరు కావడంతో ఈ మ్యాచ్కు ప్రత్యేక ప్రాధాన్యం ఏర్పడింది. భారత్లోని జపాన్ అంబాసిడర్ ఓనో కేయిచి.. ఈ చారిత్రాత్మక మ్యాచ్కు ముందు టీమిండియా ఆటగాళ్లను కలిశారు. అనంతరం ఆయన తన ఎక్స్ ఖాతాలో ఈ మ్యాచ్పై స్పందించారు. భారత్, జపాన్ స్నేహ సంబంధాలకు క్రికెట్ను మరో వేదికగా అభివర్ణిస్తూ.. 'స్నేహం కొత్త ఇన్నింగ్స్' అంటూ పోస్ట్ చేశారు.
వివరాలు
'సుజుకి కప్'గా ప్రత్యేక మ్యాచ్
భారత్, జపాన్ మధ్య జరగనున్న ఈ ప్రత్యేక టీ20 మ్యాచ్కు 'సుజుకి కప్'గా పేరు పెట్టారు.
అయితే ఈ మ్యాచ్ను కేవలం క్రికెట్ పోరుగా కాకుండా.. ఇరు దేశాల మధ్య స్నేహానికి ప్రతీకగా కూడా చూస్తున్నారు.
భారత్, జపాన్ దౌత్య సంబంధాలు ఏర్పడి 75 ఏళ్లు పూర్తవుతున్న సందర్భంగా ఈ మ్యాచ్ను నిర్వహిస్తున్నారు.
క్రీడా సహకారానికి 'స్పోర్ట్ 75' కార్యక్రమం
భారత్, జపాన్ మధ్య క్రీడా రంగంలో సహకారాన్ని మరింత విస్తరించే లక్ష్యంతో 'స్పోర్ట్ 75' కార్యక్రమాన్ని ప్రారంభించారు.
ఇరు దేశాల దౌత్య సంబంధాల 75వ వార్షికోత్సవాన్ని పురస్కరించుకుని ఈ కార్యక్రమానికి శ్రీకారం చుట్టారు.
ఇందులో భాగంగా నిర్వహిస్తున్న టీ20 మ్యాచ్ను క్రీడా సంబంధాల బలోపేతానికి తొలి అడుగుగా భావిస్తున్నారు.
వివరాలు
సెప్టెంబర్ 22న మ్యాచ్.. సమయం ఇదే
భారత్, జపాన్ మధ్య ప్రత్యేక టీ20 మ్యాచ్ సెప్టెంబర్ 22న ఉదయం 9:30 గంటలకు భారత కాలమానం ప్రకారం ప్రారంభం కానుంది. జపాన్లోని సానో వేదికగా ఈ పోరు జరగనుంది.
ఈ మ్యాచ్ ద్వారా క్రికెట్ను కొత్త ప్రేక్షకులకు మరింత చేరువ చేయవచ్చని బీసీసీఐ అధ్యక్షుడు మిథున్ మన్హాస్ పేర్కొన్నారు.
క్రీడల ద్వారా భారత్, జపాన్ మధ్య స్నేహ సంబంధాలను మరింత బలోపేతం చేయాలనే ఉద్దేశంతో ఈ ప్రత్యేక మ్యాచ్ను నిర్వహిస్తున్నారు.
ట్విట్టర్ పోస్ట్ చేయండి
భారత్, జపాన్ మధ్య ప్రత్యేక టీ20 మ్యాచ్
Dosti ki Nayi Innings 🇯🇵🏏🇮🇳
— ONO Keiichi, Ambassador of Japan (@JapanAmbIndia) September 16, 2026
Delighted to meet @BCCI President @MithunManhas and Team India led by Captain @ShreyasIyer15.
Looking forward to the SUZUKI CUP - India-Japan 75th Anniversary Cricket Match in Sano, Tochigi, Japan on 22 September! Best wishes for the 20th Asian Games. https://t.co/1bDBe7sihd pic.twitter.com/h05LcaRWVZ