Sachin Tendulkar:ఈ మూడు మార్పులతో ఐపీఎల్ మరింత బాగుటుంది : సచిన్
ఈ వార్తాకథనం ఏంటి
టీ20 క్రికెట్లో బ్యాటింగ్, బౌలింగ్ విభాగాలకు సమాన ప్రాధాన్యం ఇవ్వాల్సిన అవసరం ఉందని క్రికెట్ దిగ్గజం సచిన్ టెండూల్కర్ అభిప్రాయపడ్డారు. 200కి పైగా స్కోర్లు అలవోకగా నమోదవుతున్న నేపథ్యంలో బౌలర్లకు ఎలాంటి ఆధిక్యం లేకుండా పోతోందని ఆయన పేర్కొన్నారు. ఈ పరిస్థితుల్లో ఐపీఎల్లో ఆటను మరింత రసవత్తరంగా మార్చేందుకు మూడు కీలక మార్పులు అవసరమని ఆయన సూచించారు. ఓ అవార్డుల కార్యక్రమంలో పాల్గొన్న సందర్భంగా సచిన్ ఈ వ్యాఖ్యలు చేశారు.
వివరాలు
ఇంపాక్ట్ ప్లేయర్ రూల్ రద్దు చేయాలి
సచిన్ తెలిపిన మొదటి సూచన ఇంపాక్ట్ ప్లేయర్ రూల్ను తొలగించడమే. టీ20 అంటేనే 20 ఓవర్ల పరిమిత ఆట అని, ఇప్పటికే ఉన్న బ్యాటింగ్ లైనప్కు అదనంగా మరొక బ్యాటర్ను తీసుకురావడం వల్ల బౌలర్లపై మరింత ఒత్తిడి పెరుగుతోందని ఆయన అన్నారు. ఇది సమతుల్యతను దెబ్బతీస్తోందని ఆయన అభిప్రాయపడ్డారు.
వివరాలు
పవర్ప్లేను రెండు భాగాలుగా విభజించాలి
ప్రస్తుతం టీ20ల్లో తొలి ఆరు ఓవర్లు పవర్ప్లేగా కొనసాగుతున్నాయి. అయితే సచిన్ సూచన ప్రకారం, తొలి నాలుగు ఓవర్లు మాత్రమే స్థిర పవర్ప్లేగా ఉండాలి. మిగిలిన రెండు ఓవర్లను బౌలింగ్ జట్టు సారథి తన వ్యూహం ప్రకారం ఎప్పుడైనా ఉపయోగించుకునేలా అవకాశం ఇవ్వాలి. ఫీల్డింగ్ పరిమితుల్లో మాత్రం ఎలాంటి మార్పులు ఉండకూడదని ఆయన స్పష్టం చేశారు. ఈ విధానం మ్యాచ్ను ఇరు జట్ల నియంత్రణలో ఉంచుతుందని ఆయన అభిప్రాయపడ్డారు.
వివరాలు
ఒక బౌలర్కు ఐదు ఓవర్ల అవకాశం
ఒక బౌలర్కు ఐదు ఓవర్లు వేసే అవకాశం ఇవ్వాలని సచిన్ సూచించారు. ప్రస్తుతం గరిష్ఠంగా నాలుగు ఓవర్లు మాత్రమే వేసే నిబంధన ఉంది. జట్టులోని అత్యుత్తమ బౌలర్కు ఐదో ఓవర్ వేసే అవకాశం ఇవ్వాలని, ఎందుకంటే టాప్ బ్యాటర్లు మొత్తం 20 ఓవర్లు ఆడుతున్నప్పుడు బెస్ట్ బౌలర్కు అదనపు ఓవర్ ఎందుకు ఇవ్వకూడదని ఆయన ప్రశ్నించారు.