క్రీడారంగంలో నారీమణుల సేవలకు సెల్యూట్
ఈ వార్తాకథనం ఏంటి
భారత క్రీడారంగంలో పురుషులతో సమానంగా మహిళలు దూసుకుపోతున్నారు. బాక్సింగ్ నుంచి క్రికెట్ దాకా భారత మహిళలు ఆకాశమే హద్దుగా చెలరేగిపోతున్నారు. మహిళా దినోత్సవం సందర్భంగా వివిధ క్రీడల్లో భారత తొలి మహిళలు ఎవరో ఓసారి చూద్దాం.
నాలుగేళ్లకోసారి జరిగే ఒలింపిక్స్‌లో భారత్‌కు పతకం సాధించిన భారత తొలిమహిళగా కరణం మల్లీశర్వరి పేరు సంపాదించింది. మహిళల వెయిట్ లిప్టింగ్‌లో 69 కిలోల విభాగంలో మల్లీశ్వరి కాంస్య పతకం సాధించింది. మల్లీశ్వరి 11 స్వర్ణాలు, 29 అంతర్జాతీయ పతకాలు సాధించింది
భారత మహిళా బాక్సింగ్ అంటే...మేరీ కోమ్ మాత్రమే.. ఒలింపిక్స్ బాక్సింగ్‌లో పతకం సాధించిన భారత తొలి మహిళా బాక్సర్‌గా నిలిచింది.
పీవీ సింధు రియో ఒలింపిక్స్‌లో రజతం సాధించి రికార్డు సృష్టించిన విషయం తెలిసిందే
మిథాలీరాజ్
క్రికెట్లో 6వేల పరుగులు చేసిన మిథాలీరాజ్
మిథాలీరాజ్ ప్రపంచ మహిళా క్రికెట్లో 6వేల పరుగులు సాధించిన ప్లేయర్‌గా రికార్డుకెక్కింది. ఇందులో ఆరు సెంచరీలు, 49 హాఫ్ సెంచరీలున్నాయి. 2017లో ఐసీసీ అత్యుత్తమ మహిళా వన్డే క్రికెటర్‌గా మిథాలీ అవార్డును అందుకుంది.
భారత మహిళా బ్యాడ్మింటన్ అనగానే ముందుగా గుర్తుకొచ్చేది సైనా నెహ్వాల్.. ఆ తర్వాత పీవీ సింధు. 2012 లండన్ ఒలింపిక్స్‌లో కాంస్య పతకం సాధించిన సైనాకు తన కెరియర్ లో 21 అంతర్జాతీయ టైటిల్స్ సాధించిన రికార్డు ఉంది.
భారత టెన్నిస్‌కు ప్రపంచవ్యాప్తంగా గుర్తింపు తెచ్చిన ఘనత సానియాకు మాత్రమే దక్కుతుంది. డబ్లుటిఏ సింగిల్స్ టైటిల్, గ్రాండ్ స్లామ్ డబుల్స్, మిక్సిడ్ డబుల్స్ సాధించిన భారత తొలి మహిళా టెన్నిస్ ప్లేయర్ సానియా మాత్రమే