జెర్సీని మార్చేసిన లక్నో సూపర్ జెయింట్స్.. మోహన్ బగాన్ కు నివాళిగా మార్పు
ఐపీఎల్ 2023 సీజన్ లో లక్నో సూపర్ జెయింట్స్ ఫుల్ ఫామ్ లో ఉంది. వరుసగా ఆ జట్టు ప్లేయర్లు గాయాలపాలవుతున్నా.. సమిష్టిగా రాణించి ఫ్లేఆఫ్స్ కు దగ్గరైంది. ప్రస్తుతం పాయింట్ల పట్టికలో మూడో స్థానంలో ఉంది. ఈ జట్టు చివరి మ్యాచును కోల్ కతా నైట్ రైడర్స్ తో ఆడనుంది. ఈడెన్ గార్డన్ లో శనివారం జరిగిన ఈ మ్యాచ్ లో కోల్ కతాపై లక్నో తప్పనిసరిగా గెలవాల్సి ఉంది. ఈ మ్యాచ్ లో గెలుపు కోసం ఆ జట్టు ఇప్పటికే ప్రత్యేక సాధనలను చేస్తోంది. తాజాగా లక్నో జట్టు జెర్సీని మార్చేసింది. ప్రముఖ ఇండియన్ ఫుట్ బాల్ క్లబ్ మోహన్ బగన్ కు నివాళిగా ఈ జెర్సీని మార్చడం గమనార్హం.
శనివారం కేకేఆర్ తో తలపడనున్న లక్నో
లక్నో జెర్సీని మార్చినట్లు ఆ జట్టు ట్విట్టర్ వేదికగా వెల్లడించింది. మెరూన్, పచ్చరంగు కాంబినేషన్ లో జెర్సీ అద్భుతంగా ఉంది. ఇండియాలో అత్యధిక ఫ్యాన్స్ ఉన్న మోహన్ బగాన్ కు నివాళిగా లక్నో జట్టును ఈ జెర్సీని ధరించింది. కేకేఆర్ తో జరగనున్న మ్యాచులో లక్నో ప్లేయర్లు ఈ జెర్సీని ధరించి బరిలోకి దిగనున్నారు. శనివారం కేకేఆర్ తో జరిగే మ్యాచులో లక్నో విజయం సాధిస్తే నేరుగా ఫ్లేఆఫ్స్ కి అర్హత సాధిస్తుంది. లేదంటే ఆ జట్టు ఫ్లేఆఫ్స్ చేరే అవకాశాలు దూరమయ్యే అవకాశం ఉంది.
