ఐపీఎల్లో ధోని కన్నా రోహిత్‌శర్మనే బెస్ట్ కెప్టెన్ : వీరేంద్ర సెహ్వాగ్
ఐపీఎల్లో ముంబై ఇండియన్స్, చైన్నై సూపర్ కింగ్స్‌కు ట్రోఫీలందించిన రోహిత్ శర్మ, మహేంద్ర సింగ్ ధోనిలో ఎవరు బెస్ట్ కెప్టెన్ అని చెప్పడం కొంచెం కష్టమైన ప్రశ్న, కెప్టెన్ భారత జట్టుకు ధోని ఎన్నో మరుపురాని విజయాలను అందించాడు. ముంబైకి రోహిత్ ఒంటోచెత్తో ట్రోఫీలందించిన ఘనత ఉంది. కాబట్టి ఇద్దరిలో ఎవరో గొప్పొ తేల్చడం కష్టమే. అయితే తాజాగా ఈ అంశంపై టీమిండియా మాజీ ప్లేయర్ వీరేంద్ర సెహ్వాగ్ స్పందించాడు. ఐపీఎల్లో ధోని కంటే రోహిత్ శర్మనే బెస్ట్ కెప్టెన్ అని కితాబుఇచ్చాడు. గత 15 ఏళ్లలో ముంబైఇండియన్స్ ఐదు ట్రోఫీలు, చైన్నై సూపర్ కింగ్స్‌ నాలుగు టైటిళ్లు అందుకుంది. ఎవరు గొప్ప కెప్టెన్ అన్న విషయం నెంబర్లే చెబుతున్నాయని సెహ్వాగ్ తెలిపారు.
ఐపీఎల్లో ధోనినే బెస్ట్ అన్న హర్భజన్ సింగ్
అయితే, భారత మాజీ స్పిన్నర్ హర్భజన్ సింగ్ ధోనీనే ఐపిఎల్‌కు ఉత్తమ కెప్టెన్ అని చెప్పేశాడు. ఈ విషయంలో తాను ధోనికే ఓటేస్తానని హర్భజన్ స్పష్టం చేశాడు. ఫ్రాంచైజీని విజయవంతంగా నడిపించడంతో ధోని పాత్ర అమోఘమన్నారు. అతను జట్టుకు నాయకత్వం వహించిన తీరు అసాధారమని ప్రశంసించాడు. ఇతర జట్ల కెప్టెన్లు బాగా ఆడి టోర్నీలు సాధించారని, ఓవరాల్‌గా తన ఓటు ఖచ్చితంగా ధోనీకే పడుతుందని హర్భజన్ వెల్లడించారు. ట్రోఫీల పరంగా చూస్తే రోహిత్ శర్మ ఐదు, ధోనీ నాలుగు గెలిచారని, తాను రెండు జట్లకు ఆడానని హర్భజన్ గుర్తు చేసుకున్నాడు. ముంబై ఇండియన్స్‌కు పదేళ్లు ఆడాను కాబట్టి తన గుండె ఇంకా అటువైపే కొట్టుకుంటోందని పేర్కొన్నాడు
