Rohit Sharma : పెర్త్‌లో చరిత్ర సృష్టించనున్న హిట్ మ్యాన్.. ఈ ఆటగాళ్ల తర్వాత ఆ మైలురాయి రోహిత్‌దే
ఈ వార్తాకథనం ఏంటి
భారత క్రికెట్ జట్టు ఆస్ట్రేలియా పర్యటనకు చేరుకుంది.ఈ సిరీస్ అక్టోబర్ 19న ప్రారంభం కానుంది. అదే రోజున పెర్త్‌లోని ఆప్టస్ స్టేడియంలో మూడు వన్డేల సిరీస్‌లో తొలి మ్యాచ్ జరుగనుంది. ఈ మ్యాచ్ రోహిత్ శర్మకు అంతర్జాతీయ క్రికెట్ కెరీర్‌లో ఒక ప్రత్యేక మైలురాయిగా నిలవబోతోంది. రోహిత్ ఈ మ్యాచ్‌లో బరిలోకి దిగితే,అతను ఒక అరుదైన చరిత్రను సృష్టించబోతున్నాడు. అక్టోబర్ 19న పెర్త్‌లో జరగబోయే ఈ తొలి వన్డేలో రోహిత్ శర్మ ప్లేయింగ్ ఎలెవన్‌లో ఉంటే,అది అతని 500వ అంతర్జాతీయ మ్యాచ్ అవుతుంది. 2007లో క్రికెట్ ప్రపంచంలో ప్రవేశించినప్పటి నుంచి రోహిత్ 67 టెస్టులు,273 వన్డేలు,159 టీ20 మ్యాచ్‌లు ఆడాడు. ఈ మైలురాయిని అందుకోవడానికి అతను కేవలం ఒక మ్యాచ్ దూరంలో ఉన్నాడు.
వివరాలు
500 మ్యాచ్‌లు ఆడిన ఐదో భారతీయ ఆటగాడిగా చరిత్ర
రోహిత్ శర్మ ఈ ఘనత సాధించడంతో అంతర్జాతీయ క్రికెట్‌లో 500 మ్యాచ్‌లు ఆడిన ఐదో భారతీయ ఆటగాడిగా చరిత్రలో చోటు సంపాదించబోతున్నాడు. ఇప్పటివరకు ఈ ఘనతను కేవలం నాలుగు భారత క్రికెటర్లు మాత్రమే సాధించారు: క్రికెట్ దేవుడు సచిన్ టెండూల్కర్ (664 మ్యాచ్‌లు), రన్ మెషీన్ విరాట్ కోహ్లీ (550 మ్యాచ్‌లు), కెప్టెన్ కూల్ ఎంఎస్ ధోని (535 మ్యాచ్‌లు), మిస్టర్ డిపెండబుల్ రాహుల్ ద్రావిడ్ (504 మ్యాచ్‌లు). ఈ జాబితాలో చేరడం ద్వారా రోహిత్.. భారత క్రికెట్ చరిత్రలో తన స్థానాన్ని మరింత పదిలపరుచుకోనున్నాడు.
వివరాలు
రోహిత్ 11వ ఆటగాడిగా..
ప్రపంచవ్యాప్తంగా 500 లేదా అంతకంటే ఎక్కువ అంతర్జాతీయ మ్యాచ్‌లు ఆడిన ఆటగాళ్ల జాబితాలో రోహిత్ 11వ ఆటగాడిగా చేరనున్నారు. ఈ జాబితాలో నలుగురు భారత క్రికెటర్లు, మూడు శ్రీలంక ఆటగాళ్లు, ఆస్ట్రేలియా మాజీ కెప్టెన్ రికీ పాంటింగ్, పాకిస్తాన్ స్టార్ షాహిద్ అఫ్రిది, దక్షిణాఫ్రికా జాక్వెస్ కలిస్ ఉన్నారు. శ్రీలంక నుంచి మాహేల జయవర్ధనే (652), కుమార్ సంగక్కర (594), సనత్ జయసూర్య (586) గౌరవస్థానం పొందారు. రోహిత్ ఐదో భారతీయ ఆటగాడిగా ఈ ప్రీస్టీజియస్ క్లబ్‌లో చేరబోతున్నాడు. తన 500వ మ్యాచ్ ఆడటానికి ముందు రోహిత్ శర్మ అంతర్జాతీయ కెరీర్‌లో గణాంకాలు చాలా పవర్ఫుల్గా ఉన్నాయి. 499 అంతర్జాతీయ మ్యాచ్‌లలో అన్ని ఫార్మాట్లలో కలిపి అతను 50 సెంచరీలు,19,700 పరుగులు సాధించాడు.
వివరాలు
ఫార్మాట్లవారీగా వివరించాలంటే:
టెస్ట్ క్రికెట్: 12 సెంచరీలు, 4,301 పరుగులు వన్డే క్రికెట్: 32 సెంచరీలు, 11,168 పరుగులు (వన్డేలో మూడు డబుల్ సెంచరీలు చేసిన ఏకైక భారతీయ ఆటగాడు) టీ20 అంతర్జాతీయ క్రికెట్: 5 సెంచరీలు, 4,231 పరుగులు (టీ20లో అత్యధిక సెంచరీలు చేసిన భారతీయ ఆటగాడు) ఈ అద్భుతమైన ప్రదర్శనతో రోహిత్ తన 500వ అంతర్జాతీయ మ్యాచ్‌లో కూడా అభిమానులను సరికొత్త అద్భుతాలు చూపిస్తాడని అందరూ ఆశిస్తున్నారు.