మరోసారి తెరపైకి సానియా మీర్జా-షోయాబ్ మాలిక్ విడాకులు.. ఇన్‌స్టాలో క్లారిటీ!
ఈ వార్తాకథనం ఏంటి
భారత టెన్నిస్ స్టార్ సానియా మీర్జా, పాకిస్థాన్ క్రికెటర్ షోయాబ్ మాలిక్ విడాకుల వ్యవహారం మరోసారి తెరపైకి వచ్చింది.
ఈ ఇద్దరూ విడిపోతున్నారంటూ గతేడాది నుంచి జోరుగా ప్రచారం జరుగుతున్న విషయం తెలిసిందే.
షోయాబ్ ఇన్‌స్టాగ్రామ్ బయోలో కీలక మార్పు చేయడమే ఇందుకు కారణం.
ఇటీవల కాలంలో అనేకమంది సెలబ్రిటీలు విడాకుల ప్రకటన ముందు ఇన్‌స్టాలో తమ జీవిత భాగస్వాముల ఫోటోలను తొలిగిస్తున్నారు.
సోయాబ్ ఇన్ స్టాలో ఇదివరకు 'సానియా భర్త' అని రాసుండేది. ప్రస్తుతం దాని స్థానంలో 'ఓ భర్తకు తండ్రి' మాత్రమే అని ఉంచారు.ఈ నేపథ్యంలో విడాకుల వార్త హాట్ టాపిక్ అవుతోంది.
Details
ఇన్‌స్టా బయోలో 'సానియా భర్త' అన్న వ్యాక్యాన్ని తొలగించిన షోయబ్
సానియా, షోయాబ్ 2010లో వివాహం చేసుకున్నారు. వీరికి ఇజాన్ మీర్జా మాలిక్ అనే కుమారుడు ఉన్నాడు. తొలినాళ్ల వీరి బంధం దృఢంగా సాగినా పలుమార్లు విడాకుల వార్తలు మీడియాలో జోరందుకున్నాయి.
గతంలో ఈ వ్యాఖ్యలపై షోయాబ్ మాలిక్ ఓసారి స్పందించాడు. తాము కలిసే ఉన్నామని, వృత్తిపరంగా తామిద్దరం బిజీబిజీగా ఉండడం తమ బంధానికి ఓ సవాలుగా మారిందని అప్పట్లో పేర్కొన్నాడు.
తాజాగా షోయాబ్ ఇన్ స్టా బయోకు చేసిన మార్పులతో మరోసారి విడాకుల వదంతుల వ్యవహరం తెరపైకి వచ్చింది. అయితే షోయాబ్, సానియా విడాకుల అంశంపై ఇంతవరకూ ఎలాంటి ప్రకటన చేయలేదు.