IPL 2024: కోల్‌కతా-హైదరాబాద్ మధ్య మ్యాచ్ .. క్షమించమన్న షారుక్ ఖాన్ .. ఎందుకంటే..?
కోల్‌కతా నైట్ రైడర్స్ (కెకెఆర్), సన్‌రైజర్స్ హైదరాబాద్ (ఎస్‌ఆర్‌హెచ్) మధ్య మంగళవారం జరిగిన ఐపిఎల్ మ్యాచ్‌లో షారుక్ ఖాన్ జట్టు కెకెఆర్ అద్భుత విజయం సాధించింది. ఐపీఎల్ ప్రస్తుత సీజన్‌లో ఇది తొలి క్వాలిఫయర్ మ్యాచ్, ఇందులో గెలిచి కోల్‌కతా జట్టు ఫైనల్స్‌కు చేరుకుంది. ఈ బిగ్ మ్యాచ్ చూసేందుకు షారుక్ ఖాన్ పిల్లలు సుహానా, అబ్రామ్ కూడా వచ్చారు. అయితే, ఈ మ్యాచ్ ముగిసిన తర్వాత, కింగ్ ఖాన్ క్షమాపణలు చెప్పాడు. ప్రతి మ్యాచ్ ముగిసిన తర్వాత దానిపై చర్చ జరుగుతుందన్నవిషయం మనకు తెలుసు. లైవ్ లో మ్యాచ్‌లను సమీక్షిస్తుంది, ఆటగాళ్లతో మాట్లాడుతుంది, మ్యాచ్‌లోని వివిధ అంశాలపై నిపుణుల అభిప్రాయాలను కూడా అందిస్తుంది.
షారుక్ చేతులు జోడించి క్షమాపణలు
KKR,SRH మధ్య మ్యాచ్ ముగిసిన తర్వాత కూడా, లైవ్ షో జరుగుతోంది.దీని షూటింగ్ గ్రౌండ్‌లో జరుగుతోంది. ఇందులో ఆకాశ్ చోప్రా, పార్థివ్ పటేల్, సురేశ్ రైనా మాట్లాడుతున్నారు. అదే సమయంలో షారుఖ్ తెలియకుండా ఓ తప్పు చేశాడు. ఆకాష్ చోప్రా,పార్థివ్ పటేల్,సురేష్ రైనా మాట్లాడుతున్నప్పుడు, ప్రేక్షకుల వైపు చెయ్యి ఊపుతూ షారుక్ ఖాన్ అనుకోకుండా వారి మధ్యకు చేరుకున్నాడు. అతను కెమెరా ఫ్రేమ్ మధ్యలోకి వచ్చాడు. వెంటనే షారుక్‌కి తేరుకొని ఆపై చేతులు జోడించి క్షమాపణలు చెప్పాడు. ఈ సంఘటనను చూసిన సుహానా,అక్కడ ఉన్న ఇతర వ్యక్తులు నవ్వడం మొదలుపెట్టారు. షారుక్ ఖాన్ వెంటనే ఆకాశ్ చోప్రా, పార్థివ్ పటేల్,సురేష్ రైనాలను కూడా కౌగిలించుకున్నాడు. ఈ విషయంపై ఆకాష్ ట్వీట్ కూడా చేశాడు.
