దాదా ఈజ్ బ్యాక్.. ఐపీఎల్‌లోకి గంగూలీ రీ ఎంట్రీ
ఈ వార్తాకథనం ఏంటి
భారత్ క్రికెట్ దిగ్గజం సౌరబ్ గంగూలీ ఇటీవలే బీసీసీఐ అధ్యక్షుడిగా పదవీ విరమణ పొందారు. మళ్లీ ఐపీఎల్ లోకి రీ ఎంట్రీ ఇవ్వబోతున్నారు. ఢిల్లీ కేపిటల్స్ హెడ్‌గా వస్తున్నట్లు సమాచారం. 2019 సీజన్‌లో గంగూలీ ఢిల్లీ కేపిటల్స్ అడ్వైజర్‌గా పనిచేశాడు. అదే ఏడాది అక్టోబరులో బీసీసీఐ అధ్యక్షుడయ్యాక డీసీ అడ్వైజర్ పదవికి గంగూలీ రాజీనామా చేశారు.
బీసీసీఐ అధ్యక్షుడిగా పదవీ కాలం ఇటీవలే ముగయగా.. బోర్డుకు కొత్త అధ్యక్షుడగా మాజీ క్రికెట్ రోజర్ బిన్నీ ఎంపికైన విషయం తెలిసిందే. ఢిల్లీ క్యాపిటల్స్ కు గతంలో గంగూలీ, రికి పాటింగ్ దగ్గరుండి పని చేశారు. శ్రేయాస్ అయ్యర్ నేతృత్వంలోని ఢిల్లీ ప్లే ప్లేఆఫ్‌కు చేరడానికి కృషి చేశారు.
ఐపీఎల్
ఐపీఎల్ అధ్యక్ష పదవి తిరస్కరణ
బీసీసీఐ అధ్యక్ష పదవి నుంచి తప్పుకోవడానికి ముందు గంగూలీకి ఐపీఎల్ చైర్మన్ పదవి ఆఫర్ వచ్చినా సున్నితంగా తిరస్కరించారు. బీసీసీఐ బాస్ గా పనిచేశాక దాని సబ్ కమిటీకి పనిచేయనని గంగూలీ స్పష్టం చేశాడు.
ఢిల్లీ కేపిటల్స్ మేనేజ్‌మెంట్, ఆటగాళ్లతో గంగూలీకి మంచి సంబంధాలు ఉన్నాయి. 2019 ఐపీఎల్‌లో ఢిల్లీ కేపిటల్స్ విజయం సాధించిన తర్వాత రిషభ్ పంత్‌ ను గంగూలీ ఎత్తుకున్నాడు. అప్పట్లో ఆ ఫోటోలు సోషల్ మీడియాలో వైరల్ అయ్యాయి.