ఐపీఎల్‌లో కొన్ని జట్లకు బ్యాడ్ న్యూస్
ఈ వార్తాకథనం ఏంటి
ఐపీఎల్ ప్రారంభ మ్యాచ్‌లో కొన్ని జట్లకు గట్టి ఎదురుదెబ్బ తగిలింది. దక్షిణాఫ్రికా స్టార్ ఆటగాళ్లు ఈ ఏడాది సీజన్ ప్రారంభ మ్యాచ్‌లో ఆడే అవకాశాలు కనిపించడం లేదు. దక్షిణాఫ్రికా జట్లు స్వదేశంలో మార్చి 31 నుంచి ఏప్రిల్ 2వ తేదీ వరకు నెదర్లాండ్స్‌తో రెండు మ్యాచ్ ల వన్డే సిరీస్ ఆడనుంది. ఈ సిరీస్ లో తమ జట్టు స్టార్ ఆటగాళ్లను భాగం చేయాలని దక్షిణాఫ్రికా క్రికెట్ భావిస్తున్నట్లు సమాచారం. ఇప్పటికే ఈ నిర్ణయాన్ని దక్షిణాఫ్రికా క్రికెట్ బీసీసీఐకి తెలియజేసినట్లు తెలుస్తోంది. , దక్షిణాఫ్రికా ఆటగాళ్లు IPL కోసం భారత్‌కు ఆలస్యంగా చేరుకోనున్నారు. దీంతో కొన్ని జట్లకు దక్షిణాఫ్రికా స్టార్ ఆటగాళ్లు దూరం కానున్నారు.
ఐపీఎల్
ఎస్ఆర్హెచ్ కెప్టెన్‌గా భువనేశ్వర్..!
ఇక ఐపీఎల్ ఫ్రాంచైజీల‌తో కాంట్రాక్టు క‌ల్గి ఉన్న కగిసో రబడ, లుంగి ఎంగిడీ, రాస్సీ వాన్ డెర్ డ్యూసెన్, డేవిడ్ మిల్లర్, క్వింటన్ డి కాక్, ఐడెన్ మార్క్‌రమ్‌, స్టాబ్స్‌, మార్కో జాన్సెన్‌, క్లాసన్‌ వంటి ప్రోటీస్‌ ఆటగాళ్లు నెదర్లాండ్స్‌తో వన్డే సిరీస్‌లో భాగమయ్యే ఛాన్స్‌ ఉంది. దక్షిణాఫ్రికా స్టార్ బ్యాటర్ ఐడెన్ మార్క్‌రమ్‌ సన్‌రైజర్స్‌ హైదరాబాద్‌ కెప్టెన్‌గా ఎంపికైన సంగతి తెలిసిందే.ఎస్ఆర్హెచ్ తమ తొలి మ్యాచ్‌లో ఏప్రిల్2న రాజస్తాన్‌ రాయల్స్‌తో తలపడనుంది. ఈ మ్యాచ్‌కు మార్క్‌రమ్‌ దూరం కావడం దాదాపు ఖాయంగా కన్పిస్తోంది. సన్ రైజర్స్ కు మార్కరమ్ దూరమైతే ఎస్ఆర్హెచ్ కెప్టెన్‌గా భువనేశ్వర్ ఎంపికయ్యే అవకాశం ఉంటుంది.