Tata Cars: టాటా దూకుడు మామూలుగా లేదు.. నెక్సాన్ నుంచి ప్రీమియం Avinya X వరకు వరుస లాంచ్లు!
ఈ వార్తాకథనం ఏంటి
ఆటో మొబైల్ రంగంలో తన స్థానాన్ని మరింత బలోపేతం చేసుకునేందుకు టాటా మోటార్స్ (Tata Motors) దూకుడుగా ముందుకెళ్తోంది. రాబోయే నెలల్లో కంపెనీ పెట్రోల్, సీఎన్జీ, ఫ్లెక్స్-ఫ్యూయల్, ఎలక్ట్రిక్ విభాగాల్లో పలు కొత్త కార్లను మార్కెట్లోకి తీసుకురానుంది. కొత్త నెక్సాన్ (Nexon) వేరియంట్ల నుంచి ప్రీమియం ఎలక్ట్రిక్ ఎస్యూవీ అవిన్యా ఎక్స్ (Avinya X) వరకు విభిన్న మోడళ్లను విడుదల చేసేందుకు సన్నాహాలు చేస్తోంది.
వివరాలు
టాటా సఫారీ ఈవీ
టాటా నుంచి తొలి 7-సీటర్ ఎలక్ట్రిక్ SUVగా 'సఫారీ ఈవీ' త్వరలో మార్కెట్లోకి రానుంది. ఇది మహీంద్రా ఎలక్ట్రిక్ ఎస్యూవీలకు గట్టి పోటీ ఇవ్వనుందని భావిస్తున్నారు.
ఈ ఎస్యూవీని Acti.EV+ ప్లాట్ఫామ్పై అభివృద్ధి చేస్తున్నారు. ఇందులో 65kWh, 75kWh బ్యాటరీ ప్యాక్లతో పాటు మరింత పెద్ద బ్యాటరీ ఆప్షన్ కూడా అందుబాటులోకి వచ్చే అవకాశం ఉంది.
ఒక్కసారి పూర్తిగా ఛార్జ్ చేస్తే 550 నుంచి 600 కిలోమీటర్ల వరకు డ్రైవింగ్ రేంజ్ అందించవచ్చని అంచనా.
అదనంగా ADAS, ఆటో పార్క్, 540-డిగ్రీ కెమెరా, కనెక్టెడ్ కార్ టెక్నాలజీ వంటి ఆధునిక ఫీచర్లను కూడా ఇందులో అందించనున్నారు.
వివరాలు
టాటా నెక్సాన్ కొత్త వేరియంట్లు
మారుతి బ్రెజ్జా ఫేస్లిఫ్ట్ విడుదల నేపథ్యంలో టాటా కూడా నెక్సాన్కు కొత్త వేరియంట్లను తీసుకురానుంది. వీటిని ఆగస్టు ప్రారంభంలో విడుదల చేసే అవకాశాలు ఉన్నాయి.
కొత్త నెక్సాన్ పెట్రోల్, సీఎన్జీ వేరియంట్లలో అందుబాటులోకి వచ్చే అవకాశం ఉంది.
వినియోగదారులకు మరింత విలువ అందించేలా ధరలు, ఫీచర్లలో మార్పులు చేయనున్నట్లు తెలుస్తోంది.
ముఖ్యంగా CNG మోడల్లో బూట్ స్పేస్ను మెరుగుపరచే అవకాశం ఉందని సమాచా
వివరాలు
టాటా పంచ్ ఫ్లెక్స్ ఫ్యూయల్
భారత మార్కెట్లో టాటా తొలి ఫ్లెక్స్-ఫ్యూయల్ కారుగా Punch Flex Fuelను ప్రవేశపెట్టేందుకు సంస్థ సిద్ధమవుతోంది.
ఈ మోడల్ 2026 చివర్లో లేదా 2027 ప్రారంభంలో విడుదలయ్యే అవకాశం ఉంది.
ఇందులో 1.2 లీటర్ పెట్రోల్ ఇంజిన్ ఉంటుంది. ఈ ఇంజిన్ E85 ఇంధనం (85 శాతం ఎథనాల్ + 15 శాతం పెట్రోల్)తో కూడా పనిచేసేలా ప్రత్యేకంగా రూపొందించనున్నారు.
ఇందుకోసం ఇంజిన్, ఫ్యూయల్ సిస్టమ్లో కీలక మార్పులు చేయనున్నారు.