T20 WC: వరల్డ్ కప్ 2024లో కెప్టెన్ రోహిత్ శర్మనే.. రిషబ్ పంత్‌కు చోటు?
వన్డే వరల్డ్ కప్ 2023 ముగిసి రెండు రోజులే కావస్తోంది. ఈ నేపథ్యంలో వచ్చే ఏడాది జరగనున్న టీ20 ప్రపంచ కప్ టోర్నీకి ఇప్పుడే పలువురు క్రికెటర్లు జట్లను ఎంపిక చేస్తున్నారు. తాజాగా మాజీ పేసర్ శ్రీశాంత్ కూడా టీ20 ప్రపంచ టోర్నీ కోసం జట్టును ఎంపిక చేయడం విశేషం. కెప్టెన్ రోహిత్ శర్మతో సహ విరాట్ కోహ్లీకి తన జట్టులో శ్రీశాంత్ స్థానమిచ్చాడు. వారిద్దరు కచ్చితంగా టీ20 వరల్డ్ కప్ ఆడతారని శ్రీశాంత్ ధీమా వ్యక్తం చేశాడు. గత కొన్నాళ్లుగా రోహిత్, కోహ్లీ అంతర్జాతీయ టీ20లకు దూరంగా ఉన్న విషయం తెలిసిందే.
శ్రీశాంత్ ఎంపిక చేసిన జట్టు ఇదే
ఇక యువ వికెట్ కీపర్ రిషబ్ పంత్ పూర్తిస్థాయి ఫిట్ నెస్ సాధిస్తే కచ్చితంగా జట్టులోకి వస్తాడని శ్రీశాంత్ తెలిపాడు. ఇదిలా ఉండగా, వెస్టిండీస్, అమెరికా సంయుక్తంగా ఆతిథ్యమిస్తున్న టీ20 వరల్డ్ కప్ 2024 జూన్ 4న మొదలు కానుంది. టీ20 వరల్డ్‌కప్‌-2024కు శ్రీశాంత్ ఎంచుకున్న జట్టు రోహిత్ శర్మ, విరాట్ కోహ్లి, హార్దిక్ పాండ్యా, యశస్వి జైస్వాల్, సూర్యకుమార్ యాదవ్, ఇషాన్ కిషన్, కేఎల్ రాహుల్, రిషభ్‌ పంత్, మహ్మద్ షమీ, జస్‌ప్రీత్‌ బుమ్రా, రవీంద్ర జడేజా, మహ్మద్ సిరాజ్‌
