Tilak Varma : న్యూజిలాండ్‌తో మూడో టీ20.. అరుదైన రికార్డుకు చేరువలో తిలక్ వర్మ!
ఈ వార్తాకథనం ఏంటి
వెల్లింగ్టన్ వేదికగా టీమిండియా, న్యూజిలాండ్ జట్ల మధ్య నేడు మూడో టీ20 మ్యాచ్ జరగనుంది. తొలి రెండు మ్యాచ్‌ల్లో విజయం సాధించిన టీమిండియా.. ఈ మ్యాచ్‌లోనూ గెలిచి సిరీస్‌ను మరో రెండు మ్యాచ్‌లు మిగిలి ఉండగానే కైవసం చేసుకోవాలని పట్టుదలతో ఉంది. మరోవైపు ఈ మ్యాచ్‌లో విజయం సాధించి సిరీస్‌లో భారత్ ఆధిక్యాన్ని తగ్గించాలని న్యూజిలాండ్ భావిస్తోంది. అయితే ఈ మ్యాచ్‌కు ముందు టీమిండియా మిడిలార్డర్ బ్యాటర్, తెలుగు తేజం తిలక్ వర్మను ఓ అరుదైన రికార్డు ఊరిస్తోంది.
వివరాలు
ఆరు సిక్సర్లు బాదితే చరిత్రే!
న్యూజిలాండ్‌తో జరిగే మూడో టీ20లో తిలక్ వర్మ మరో ఆరు సిక్సర్లు బాదితే అంతర్జాతీయ టీ20 క్రికెట్‌లో 100 సిక్సర్ల మైలురాయిని చేరుకుంటాడు.
తద్వారా ఈ ఘనత సాధించిన ఏడో భారత ఆటగాడిగా రికార్డులకెక్కుతాడు.
ఇప్పటివరకు భారత్ తరఫున రోహిత్ శర్మ, సూర్యకుమార్ యాదవ్, అభిషేక్ శర్మ, విరాట్ కోహ్లీ, హార్దిక్ పాండ్యా, సంజూ శాంసన్ మాత్రమే అంతర్జాతీయ టీ20ల్లో 100కు పైగా సిక్సర్లు బాదారు.
వివరాలు
తిలక్ వర్మ టీ20 గణాంకాలు ఇవే..
తిలక్ వర్మ 2023లో అంతర్జాతీయ టీ20 క్రికెట్‌లో అరంగేట్రం చేశాడు.
అప్పటి నుంచి ఇప్పటివరకు 72 మ్యాచ్‌లు ఆడిన ఈ తెలుగు ఆటగాడు 44.7 సగటుతో 1,898 పరుగులు సాధించాడు. ఇందులో రెండు సెంచరీలు, 11 అర్ధ సెంచరీలు ఉన్నాయి.
తన అంతర్జాతీయ టీ20 కెరీర్‌లో ఇప్పటివరకు 146 ఫోర్లు, 94 సిక్సర్లు బాదాడు. న్యూజిలాండ్‌తో మూడో టీ20లో మరో ఆరు సిక్సర్లు కొడితే 100 సిక్సర్ల క్లబ్‌లో చేరతాడు.
వివరాలు
అంతర్జాతీయ టీ20ల్లో 100కు పైగా సిక్సర్లు బాదిన భారత ఆటగాళ్లు:
రోహిత్ శర్మ: 159 మ్యాచ్‌ల్లో 205 సిక్సర్లు
సూర్యకుమార్ యాదవ్: 113 మ్యాచ్‌ల్లో 179 సిక్సర్లు
అభిషేక్ శర్మ: 69 మ్యాచ్‌ల్లో 147 సిక్సర్లు
హార్దిక్ పాండ్యా: 138 మ్యాచ్‌ల్లో 126 సిక్సర్లు
విరాట్ కోహ్లీ: 125 మ్యాచ్‌ల్లో 124 సిక్సర్లు
సంజూ శాంసన్: 79 మ్యాచ్‌ల్లో 108 సిక్సర్లు
వివరాలు
సిరీస్‌పై భారత్ కన్ను..
తొలి రెండు టీ20ల్లో విజయాలు సాధించిన భారత్ మూడో మ్యాచ్‌లోనూ గెలిచి సిరీస్‌ను సొంతం చేసుకోవాలని చూస్తోంది.
మరోవైపు న్యూజిలాండ్‌కు ఈ మ్యాచ్ కీలకంగా మారింది. ఈ పోరులో విజయం సాధించడం ద్వారా సిరీస్‌లో భారత్ ఆధిక్యాన్ని తగ్గించాలని కివీస్ జట్టు భావిస్తోంది.
ఈ నేపథ్యంలో తిలక్ వర్మ అరుదైన రికార్డును అందుకుంటాడా? భారత్ మరో విజయంతో సిరీస్‌ను కైవసం చేసుకుంటుందా? అన్నది ఆసక్తికరంగా మారింది.