Tilak Varma: తిలక్ వర్మ అరుదైన ఘనత.. టీ20ల్లో మరో రికార్డు సొంతం!
ఈ వార్తాకథనం ఏంటి
వెస్టిండీస్‌తో జరిగిన మూడో టీ20 మ్యాచ్‌లో టీమిండియా వైస్ కెప్టెన్ తిలక్ వర్మ మరో అరుదైన ఘనతను తన ఖాతాలో వేసుకున్నాడు. అంతర్జాతీయ టీ20 క్రికెట్‌లో భారత జట్టు తరఫున అత్యధిక క్యాచ్‌లు అందుకున్న ఆటగాళ్ల జాబితాలో చోటు సంపాదించాడు. ఆదివారం జరిగిన మ్యాచ్‌లో తిలక్ వర్మ 50 క్యాచ్‌ల మైలురాయిని పూర్తి చేసుకున్నాడు. దీంతో అంతర్జాతీయ టీ20ల్లో 50 లేదా అంతకంటే ఎక్కువ క్యాచ్‌లు అందుకున్న ఐదో భారత ఆటగాడిగా తిలక్ వర్మ నిలిచాడు. ఈ జాబితాలో టీమిండియా మాజీ కెప్టెన్ రోహిత్ శర్మ అగ్రస్థానంలో ఉన్నాడు.
వివరాలు
ఐదో ఆటగాడిగా తిలక్ వర్మ
రోహిత్ శర్మ ఇప్పటివరకు 65 క్యాచ్‌లు అందుకున్నాడు. అతడి తర్వాత హార్దిక్ పాండ్యా 64 క్యాచ్‌లతో రెండో స్థానంలో ఉండగా, సూర్యకుమార్ యాదవ్ 58 క్యాచ్‌లతో మూడో స్థానంలో నిలిచాడు.
విరాట్ కోహ్లి 54 క్యాచ్‌లతో నాలుగో స్థానంలో ఉన్నాడు. తాజాగా 50 క్యాచ్‌లు పూర్తి చేసుకున్న తిలక్ వర్మ ఈ ఆటగాళ్ల సరసన చేరాడు.
మరోవైపు అంతర్జాతీయ పురుషుల టీ20 క్రికెట్‌లో మొత్తంగా 34 మంది ఆటగాళ్లు 50 లేదా అంతకంటే ఎక్కువ క్యాచ్‌లు అందుకున్నారు.
అయితే ప్రతి ఇన్నింగ్స్‌కు క్యాచ్‌ల రూపంలో సాధించిన డిస్మిసల్స్‌ నిష్పత్తిలో తిలక్ వర్మ 0.757తో అగ్రస్థానంలో ఉండటం విశేషం.
యూఏఈ ఆటగాడు మహమ్మద్ వసీమ్ ఈ జాబితాలో తిలక్ వర్మ తర్వాతి స్థానంలో ఉన్నాడు.