Pak Vs WI: పాకిస్థాన్‌కి రెండో టెస్టులో షాక్ ఇచ్చిన వెస్టిండీస్.. 35 ఏళ్లకు తొలి విజయం
ఈ వార్తాకథనం ఏంటి
ముల్తాన్ వేదికగా వెస్టిండీస్‌తో జరిగిన రెండో టెస్టులో (PAK vs WI) పాకిస్థాన్‌కు షాక్ తగిలింది.
విండీస్ 120 పరుగుల తేడాతో విజయాన్ని సాధించి రెండు టెస్టుల సిరీస్‌ను 1-1తో సమం చేసింది.
ఇది కరేబియన్ జట్టు (West Indies) పాకిస్థాన్ గడ్డపై 35 ఏళ్ల తర్వాత టెస్టు మ్యాచ్‌లో సాధించిన విజయం.
చివరిసారి విండీస్ 1990 నవంబర్‌లో ఫైసలాబాద్‌లో జరిగిన టెస్టులో పాకిస్థాన్‌ను ఓడించింది.
ఆ తర్వాత 1997, 2006లో పాకిస్థాన్ పర్యటనకు వెళ్లినా ఒక్క విజయాన్ని కూడా సాధించలేదు. ఇన్నాళ్లకు మళ్లీ పాకిస్థాన్ గడ్డపై విజయం సాధించి చరిత్ర సృష్టించింది.
254 పరుగుల లక్ష్యంతో సోమవారం (మూడో రోజు) 76/4 స్కోర్‌తో ఇన్నింగ్స్‌ను ప్రారంభించిన పాకిస్థాన్, 133 పరుగులకే కుప్పకూలింది.
వివరాలు
వెస్టిండీస్ గెలిచిందంటే అది నిజంగా అద్భుతం.
బాబర్ అజమ్ (31)జట్టులో టాప్ స్కోరర్‌గా నిలిచాడు.మహ్మద్ రిజ్వాన్(25),కమ్రాన్ గులాం (19),సౌద్ షకీల్(13),సల్మాన్ ఆఘా (15)మాత్రమే స్వల్ప పరుగులు సాధించారు.
పాకిస్థాన్ రెండో ఇన్నింగ్స్‌లో విండీస్ స్పిన్నర్లు జోమెల్ వారికన్(5/35),కెవిన్ సింక్లైర్ (3/61),గుడాకేష్ మోటీ (2/35)మెరుగైన ప్రదర్శనతో పాక్‌ను దెబ్బకొట్టారు.
ఈ మ్యాచ్‌లో వెస్టిండీస్ గెలిచిందంటే అది నిజంగా అద్భుతం.
మొదటి ఇన్నింగ్స్‌లో 38/7 పీకల్లోతు కష్టాల్లో ఉన్న జట్టును టెయిలెండర్లు గుడాకేష్ మోటీ (55), కెమర్ రోచ్ (25),జోమెల్ వారికన్ (36)తమ ఆడగల సామర్థ్యంతో ఆదుకున్నారు.
దీంతో వెస్టిండీస్ 163 పరుగులు చేసి పోటీలో నిలిచింది.రెండో ఇన్నింగ్స్‌లో 244 పరుగులు చేసి పాకిస్థాన్‌పై ఒత్తిడి తెచ్చింది.
పాక్ మొదటి ఇన్నింగ్స్‌లో 154 పరుగులు మాత్రమే చేయగా,రెండో ఇన్నింగ్స్‌లో 133 పరుగులకే కుప్పకూలింది.