WPL Full schedule released: డబ్ల్యూపీఎల్‌ 2026 షెడ్యూల్ విడుదల… జనవరి 9 నుంచి సీజన్‌ ఆరంభం
ఈ వార్తాకథనం ఏంటి
డబ్ల్యూపీఎల్‌ (WPL) ఆక్షన్‌ ఇటీవలే ముగిసింది. ఈసారి భారత ఆల్‌రౌండర్‌ దీప్తి శర్మపైే ఫ్రాంచైజీలు భారీగా ఆసక్తి చూపాయి. యూపీ వారియర్స్ ఆర్‌టీఎం కార్డు ఉపయోగించి ఆమెను రూ.3.20 కోట్ల భారీ ధరకు తమ జట్టులో కొనసాగించుకుంది. న్యూజిలాండ్‌ ఆల్‌రౌండర్‌ అమేలియా కెర్‌ను ముంబయి ఇండియన్స్ రూ.3 కోట్లకు దక్కించుకోగా, భారత ఆల్‌రౌండర్‌ శిఖా పాండేను యూపీ వారియర్స్ రూ.2.40 కోట్లకు ఎంపిక చేసింది. ఇక కివీస్ సీనియర్‌ ప్లేయర్‌ సోఫీ ఎకిల్‌స్టోన్‌ను గుజరాత్ జెయింట్స్ రూ.2 కోట్లకు కొనుగోలు చేసింది. ఇదిలా ఉండగా, రాబోయే డబ్ల్యూపీఎల్‌ 2026 సీజన్‌కు సంబంధించిన పూర్తి షెడ్యూల్‌ను నిర్వాహకులు విడుదల చేశారు.
Details
తొలి మ్యాచ్ 9న ప్రారంభం
జనవరి 9న నవీ ముంబయిలో ముంబయి ఇండియన్స్ - రాయల్ ఛాలెంజర్స్ బెంగళూరు జట్ల మధ్య జరిగే మ్యాచ్‌తో సీజన్‌ ప్రారంభం కానుంది. ఫైనల్‌ పోరు ఫిబ్రవరి 5న వడోదరలో జరగనుంది. ఈ సారి లీగ్‌లోని అన్ని మ్యాచ్‌లను నవీ ముంబయి మరియు వడోదర—ఈ రెండు వేదికల్లోనే నిర్వహించనున్నారు. ముంబయి ఇండియన్స్, రాయల్ ఛాలెంజర్స్ బెంగళూరు, దిల్లీ క్యాపిటల్స్‌, గుజరాత్ జెయింట్స్, యూపీ వారియర్స్—మొత్తం ఐదు జట్లు ఈ సీజన్‌లో టైటిల్ కోసం పోటీ పడనున్నాయి.
ట్విట్టర్ పోస్ట్ చేయండి
పూర్తి షెడ్యూల్ ఇదే
WPL schedule for 2026 is out 🙌🏻 pic.twitter.com/ZAGxsoMJbx
— Bleed Blue (@CricCrazyVeena) November 29, 2025