Air Canada jet : రన్వేపై ఫైర్ ట్రక్ను ఢీకొట్టిన విమానం.. నలుగురి పరిస్థితి విషమం
ఈ వార్తాకథనం ఏంటి
న్యూయార్క్లోని లాగార్డియా విమానాశ్రయంలో సోమవారం ప్రమాదం చోటుచేసుకుంది. ప్రతికూల వాతావరణ పరిస్థితుల్లో గేట్ వైపు టాక్సీ అవుతున్న ఎయిర్ కెనడా విమానం నేలపై ఉన్న వాహనాన్ని ఢీకొట్టింది. ఈ విషయాన్ని ఫ్లైట్ ట్రాకింగ్ డేటా, స్థానిక మీడియా వెల్లడించాయి. మాంట్రియాల్ నుంచి వచ్చిన ఎయిర్ కెనడా ఎక్స్ప్రెస్ CRJ-900 విమానం రన్వేపై ఫైర్ ట్రక్ను ఢీకొట్టినట్లు న్యూయార్క్ పోస్ట్ తెలిపింది. ఈ ఘటనలో నలుగురు అగ్నిమాపక సిబ్బంది గాయపడగా, వారి పరిస్థితి విషమంగా ఉన్నట్లు సమాచారం.
వివరాలు
ఘటన స్థలంలో అత్యవసర చర్యలు
ప్రమాదం జరిగిన వెంటనే అత్యవసర సిబ్బంది సంఘటనా స్థలానికి చేరుకున్నారు. సోషల్ మీడియాలో వైరల్ అవుతున్న ఫోటోలు, వీడియోల్లో ప్రయాణికుల విమానం ముందు భాగం, ముక్కు భాగం దెబ్బతిన్నట్లు కనిపిస్తోంది. ఈ విమానంలో సుమారు 100 మంది ప్రయాణికులు ఉన్నట్లు సమాచారం. వారి ఆరోగ్య పరిస్థితిని అధికారులు పరిశీలిస్తున్నారు.
వివరాలు
విమానాల రాకపోకలపై ప్రభావం
ఈ ఘటన నేపథ్యంలో ఫెడరల్ ఏవియేషన్ అడ్మినిస్ట్రేషన్ (FAA) లాగార్డియా విమానాశ్రయంలోని అన్ని విమానాలపై తాత్కాలికంగా 'గ్రౌండ్ స్టాప్' విధించింది. అత్యవసర పరిస్థితుల దృష్ట్యా ఈ నిర్ణయం తీసుకున్నట్లు తెలిపింది. ఈ ఆంక్షలు మరింత పొడిగించే అవకాశం ఉన్నట్లు కూడా సంకేతాలు ఇచ్చింది. ఇక మరో ప్రకటనలో, అత్యంత రద్దీగా ఉండే ఈ విమానాశ్రయం GMT ప్రకారం సాయంత్రం 6 గంటల వరకు మూసివేసే అవకాశముందని FAA పేర్కొంది.
ట్విట్టర్ పోస్ట్ చేయండి
లాగార్డియా ఎయిర్పోర్ట్లో ప్రమాదం
🚨 BREAKING UPDATE: MULTIPLE CRITICAL PATIENTS AFTER AIR CANADA FLIGHT COLLIDES WITH VEHICLE WHILE LANDING AT LAGUARDIA AIRPORT. POSSIBLE FATALITIES. https://t.co/hZWimAuwe5 pic.twitter.com/62SUgxoUkA
— Breaking911 (@Breaking911) March 23, 2026