Khyber Pakhtunkhwa: పాక్‌కి మరో షాక్.. పోలీసు వాహనంపై ఆత్మాహుతి దాడి
ఈ వార్తాకథనం ఏంటి
భారత్ చేపట్టిన వైమానిక దాడుల అనంతరం పాకిస్థాన్‌లో భయాందోళన వాతావరణం నెలకొంది. రెండు రోజుల క్రితం భారత్-పాకిస్థాన్ కాల్పుల విరమణకు అంగీకరించినా పాకిస్తాన్ ఇప్పటికీ భద్రతా ఒడిదుడుకుల్లో చిక్కుకుపోయింది. దాడులకు తేరుకోకముందే, పాకిస్థాన్‌లో మరో ఘోర ఘటన చోటుచేసుకుంది. ఖైబర్ పఖ్తుంఖ్వాలోని పెషావర్ ప్రాంతంలో పోలీసులు ప్రయాణిస్తున్న వాహనంపై ఆత్మాహుతి దాడి జరిగింది. ఈ దాడిలో ఇద్దరు పోలీసులు ప్రాణాలు కోల్పోగా, మరో ముగ్గురు గాయపడ్డారు. పెషావర్‌లోని చమ్కానీ పోలీస్ స్టేషన్ పరిధిలో రింగ్ రోడ్ సమీపంలోని పశువుల మార్కెట్ వద్ద ఈ ఘటన చోటుచేసుకున్నట్టు ఎస్‌ఎస్‌పి మసూద్ బంగాష్ వెల్లడించారు.
Details
అప్రమత్తమైన భద్రతా బలగాలు
ప్రమాద తీవ్రత నేపథ్యంలో స్థానిక పోలీసు, భద్రతా బలగాలు అప్రమత్తమయ్యాయి. ఖైబర్ పఖ్తుంఖ్వా ముఖ్యమంత్రి అలీ అమీన్ గందాపూర్ ఈ ఘటనను తీవ్రంగా ఖండించారు. సంఘటనపై సమగ్ర నివేదికను కోరారు. ఈ దాడికి పూర్వగాథగా.. ఏప్రిల్ 22న జమ్మూ కశ్మీర్‌లోని పహల్గాం ప్రాంతంలో జరిగిన ఉగ్రదాడి ఉంది. దాని ప్రతీకారంగా భారత్ మే 7న 'ఆపరేషన్ సిందూర్' ప్రారంభించింది. ఈ ఆపరేషన్‌లో పాక్ ఆక్రమిత కశ్మీర్‌తో పాటు పాకిస్థాన్‌లోని వివిధ ప్రాంతాల్లోని ఉగ్రవాద స్థావరాలపై వైమానిక దాడులు జరిపింది. భారత సాయుధ దళాలు దాదాపు 11 ఉగ్ర శిబిరాలను విజయవంతంగా ధ్వంసం చేశాయి. ఈ ధాటికి పాక్ భద్రతా వ్యవస్థ ఒక్కసారిగా అస్తవ్యస్తమైంది.