Colombia: కొలంబియా అధ్యక్ష అభ్యర్థిపై హత్యాయత్నం.. ప్రచార సభలో కాల్పులు
ఈ వార్తాకథనం ఏంటి
కొలంబియా సెనేటర్‌, అధ్యక్ష అభ్యర్థి మిగ్యుల్ ఉరిబ్‌ టర్బే (39)పై శనివారం హత్యాయత్నం జరిగింది.
బొగోటాలోని ఓ పార్కులో నిర్వహించిన ప్రచార కార్యక్రమంలో ప్రసంగిస్తున్న సమయంలో ఓ గుర్తుతెలియని దుండగుడు ఆయనపై వెనుక నుంచి కాల్పులు జరిపాడు.
ఘటన అనంతరం అప్రమత్తమైన భద్రతా సిబ్బంది మిగ్యుల్‌ను తక్షణమే ఆస్పత్రికి తరలించారు. బొగోటా మేయర్ కార్లోస్ గాలన్ ఈ ఘటనను ధ్రువీకరించారు.
కాల్పులు జరిపిన అనుమానంతో ఒక వ్యక్తిని పోలీసులు అదుపులోకి తీసుకున్నారు.
Details
మిగ్యుల్ త్వరగా కోలుకోవాలి : గుస్తావో
ప్రమాదకర దాడి నుంచి మిగ్యుల్ ప్రాణాలతో బయటపడగా, ఆయన ఆరోగ్య పరిస్థితి ప్రస్తుతం స్థిరంగా ఉన్నట్లు సమాచారం. ఈ ఘటనపై మిగ్యుల్ ప్రాతినిధ్యం వహిస్తున్న ప్రతిపక్ష కన్జర్వేటివ్ డెమోక్రటిక్ పార్టీ తీవ్రంగా స్పందించింది.
ఇది కేవలం రాజకీయ నాయకుడిపై జరిగిన దాడి మాత్రమే కాదని, దేశ ప్రజాస్వామ్య వ్యవస్థ, మాటల స్వేచ్ఛపై జరిగిన ఓ ముప్పైనదిగా పేర్కొంది.
కొలంబియా అధ్యక్షుడు గుస్తావో పెట్రో కూడా ఈ దాడిని ఖండించారు. మిగ్యుల్ త్వరగా కోలుకోవాలని ఆశిస్తున్నట్లు తెలిపారు.
కొలంబియాలో వచ్చే ఏడాది అధ్యక్ష ఎన్నికలు జరగనున్నాయి. ఈ ఎన్నికల్లో ప్రతిపక్షంగా ఉన్న కన్జర్వేటివ్ డెమోక్రటిక్ పార్టీ తరఫున మిగ్యుల్ ఉరిబ్‌ టర్బే పోటీలో నిలవనున్నారు.
ఈనేపథ్యంలో జరిగిన ఈ దాడి మరింత కలకలం రేపుతోంది.