China:నేషనల్ టైమ్ సెంటర్ హ్యాకింగ్.. అమెరికాపై చైనా ఆరోపణలు
ఈ వార్తాకథనం ఏంటి
చైనాలో ప్రామాణిక సమయాన్ని పర్యవేక్షించే నేషనల్ టైమ్ సెంటర్‌పై అమెరికా సైబర్ దాడికి పాల్పడిందని ఆ దేశ మినిస్ట్రీ ఆఫ్ స్టేట్ సెక్యూరిటీ తీవ్రమైన ఆరోపణలు చేసింది. ఈ విషయాన్ని సౌత్ చైనా మార్నింగ్ పోస్ట్ తమ కథనంలో వెల్లడించింది. ఈ దాడుల వెనుక అమెరికా నేషనల్ సెక్యూరిటీ ఏజెన్సీ (NSA) పాత్ర ఉందని చైనా ప్రకటించింది.
Details
మార్చి 2022 నుండి దాడులు ప్రారంభం
చైనీస్ అధికారుల ప్రకారం, 2022 మార్చిలోనే ఈ సైబర్ దాడుల ప్రారంభ సంకేతాలు కనిపించాయి. టైమ్ సెంటర్‌లో పనిచేస్తున్న సిబ్బంది ఫోన్లు, కంప్యూటర్ల నుంచి సున్నితమైన డేటాను అమెరికా హ్యాకర్లు దోచుకున్నారని ఆరోపించారు. ఇప్పటి వరకు ఈ ఆరోపణలపై అమెరికా ఎలాంటి స్పందన ఇవ్వలేదు. విదేశీ ఫోన్లలోని బలహీనతలే దాడికి మార్గం తమ ఉద్యోగులు ఉపయోగిస్తున్న విదేశీ మొబైల్ ఫోన్లలోని మెసేజింగ్ యాప్‌ల సైబర్ లోపాలను టార్గెట్ చేసి హ్యాకింగ్ జరిపినట్లు చైనా పేర్కొంది. అలాగే అమెరికా, ఐరోపా, ఆసియా ప్రాంతాల్లో ఉన్న వర్చువల్ సర్వర్లను దాడుల కోసం వాడుకున్నట్లు వెల్లడించింది.
Details
సైబర్ సెక్యూరిటీ సంస్థల ఆధారాలు సిద్ధం
ఈ సైబర్ దాడులకు సంబంధించిన పక్కా ఆధారాలను తమ సైబర్ సెక్యూరిటీ ఏజెన్సీలు సేకరించాయని చైనా తెలిపింది. దీనితో పాటు, తమ డిఫెన్స్ మరియు సైబర్ రక్షణ వ్యవస్థలను కూడా అప్‌గ్రేడ్ చేసినట్లు వివరించింది. చైనాలో టైమ్ సెంటర్ ప్రాధాన్యం షాన్‌షీ ప్రావిన్స్‌లోని షియాన్ నగరంలో ఉన్న నేషనల్ టైమ్ సర్వీస్ సెంటర్‌‌ను చైనీస్ అకాడమీ ఆఫ్ సైన్సెస్ నిర్వహిస్తోంది. ఈ సెంటర్ దేశానికి అత్యంత ఖచ్చితమైన ప్రామాణిక సమయాన్ని అందిస్తుంది. ముఖ్యంగా కింద పేర్కొన్న కీలక రంగాల కోసం ఇది అత్యవసరంగా పనిచేస్తుంది:
Details
ఆగ్రహం వ్యక్తం చేసిన చైనా
కమ్యూనికేషన్స్, ఫైనాన్స్ పవర్ ట్రాన్స్‌పోర్ట్ మ్యాపింగ్ డిఫెన్స్ ఈ రంగాలన్నీ ఈ టైమ్ సర్వీస్‌పై ఆధారపడుతుండటంతో, సైబర్ దాడులను చైనా తీవ్రంగా తీసుకుంది.