అమెరికా: లహైనా నగరాన్నికమ్మేసిన కార్చిచ్చు: 67కు చేరిన మృతుల సంఖ్య
ఈ వార్తాకథనం ఏంటి
అమెరికాలోని హవాయి దీవులకు సుందర దీవులని పేరు. ఆ సుందర దీవుల్లో ఇప్పుడు గందరగోళం నెలకొంది. హావాయి దీవుల్లోని మౌయి దీవిలో కార్చిచ్చు కారణంగా ప్రజలకు ప్రాణాపాయ పరిస్థితులు ఏర్పడ్డాయి.
ముఖ్యంగా రిసార్ట్ నగరం లహైనాలో పరిస్థితులు ఘోరంగా ఉన్నాయి. కార్చిచ్చులకు హరికేన్ గాలులు తోడవడంతో అగ్నికీలలు నగరం మీదకు వ్యాపించాయి.
ఇప్పటివరకు మంటల్లో చిక్కుకుని 67మందికి పైగా ప్రాణాలు కోల్పోయారు. ఎటు చూసినా అత్యంత సుందరంగా కనిపించే లహైనా నగరం, ఇప్పుడు ఎటు చూసినా బూడిద కుప్పలు కనిపిస్తున్నాయి. కార్లు, ఇళ్ళు, ఇలా ప్రతీదీ బూడిదగా మారిపోయిన పరిస్థితి నెలకొంది.
Details
అధికారుల నిర్లక్ష్యం వల్లే అతిపెద్ద విపత్తు
కార్చిచ్చు ఇళ్ళలోకి రావడంతో లహైనా వాసులకు ఏం చేయాలో అర్థం కాక పసిఫిక్ మహాసముద్రంలో దూకేసారు. ఒక్కసారిగా దూసుకువచ్చిన మంటల్లో ఎంతోమంది కాలి బూడిదైపోయారు.
రగులుకున్న కార్చిచ్చు నగరాల్లోకి వ్యాపించే సమయంలో అధికార్లు సైరన్ మోగించలేదని, దానివల్లే ప్రాణనష్టం, ఆస్తినష్టం జరిగిందట.
మొబైల్ ఫోన్ల ద్వారా సందేశాలు పంపించినప్పటికీ అప్పటికే సిగ్నల్స్ కట్ కావడంతో సాధారణ జనాలకు కార్చిచ్చు గురించిన సమాచారం అందలేదట.
మంటల ధాటికి కూలిపోయిన భవనాల కింద పడి ఎంతో మంది మరణించారని సమాచారం.