France: 15 ఏళ్లలోపు వారికి ఫ్రాన్స్లో సోషల్ మీడియా నిషేధం
ఈ వార్తాకథనం ఏంటి
పిల్లలపై డిజిటల్ ప్రపంచం చూపుతున్న ప్రతికూల ప్రభావాలపై ప్రపంచవ్యాప్తంగా ఆందోళనలు పెరుగుతున్న నేపథ్యంలో ఫ్రాన్స్ ప్రభుత్వం కీలక నిర్ణయం తీసుకుంది. 15ఏళ్లలోపు పిల్లలు సోషల్ మీడియా వేదికలను ఉపయోగించకుండా నిషేధించే బిల్లుకు మంగళవారం ఆమోదం తెలిపింది. ఈ నిర్ణయంతో ఐరోపా సమాఖ్య (యూరోపియన్ యూనియన్)లో ఇలాంటి చట్టాన్ని అమలు చేస్తున్న తొలి దేశంగా ఫ్రాన్స్ నిలిచింది.
వివరాలు
బిల్లుకు ఫ్రాన్స్ పార్లమెంట్ ఉభయ సభలు ఆమోదం
అధ్యక్షుడు మెక్రాన్ చొరవతో రూపొందించిన ఈ బిల్లుకు ఫ్రాన్స్ పార్లమెంట్ ఉభయ సభలు ఆమోదం తెలిపాయి.
సోషల్ మీడియా వల్ల పిల్లల మానసిక ఆరోగ్యం, చదువులు, ప్రవర్తనపై పడుతున్న ప్రభావాన్ని దృష్టిలో పెట్టుకుని ఈ నిర్ణయం తీసుకున్నట్లు ప్రభుత్వం వెల్లడించింది.
అంతేకాదు, ఉన్నత పాఠశాలల్లో విద్యార్థులు మొబైల్ ఫోన్లు వినియోగించడాన్ని కూడా ఈ బిల్లు నిషేధిస్తోంది.
పాఠశాలల్లో విద్యార్థులు చదువుపై మరింత దృష్టి పెట్టేలా చేయడంతో పాటు డిజిటల్ వ్యసనాన్ని తగ్గించడమే ఈ చర్యల ప్రధాన ఉద్దేశంగా ప్రభుత్వం పేర్కొంది.