Google: కాలిఫోర్నియా,ఫ్లోరిడాలో 3.2 కోట్ల దోమల విడుదలకు గూగుల్ ప్రణాళిక
ఈ వార్తాకథనం ఏంటి
దోమల ద్వారా వ్యాపించే వ్యాధులను నియంత్రించేందుకు గూగుల్ వినూత్న ప్రణాళికతో ముందుకొచ్చింది. కాలిఫోర్నియా, ఫ్లోరిడా రాష్ట్రాల్లో మొత్తం 3.2 కోట్ల (32 మిలియన్ల) ప్రత్యేక దోమలను విడుదల చేయడానికి అమెరికా ఫెడరల్ రెగ్యులేటర్ల అనుమతి కోరినట్లు యాహూ నివేదిక వెల్లడించింది. జన్యుమార్పు దోమలతో సాధారణ దోమలకు చెక్ ప్రస్తుతం ఈ రెండు రాష్ట్రాల్లో దోమల కారణంగా పలు వ్యాధులు ఎక్కువగా నమోదవుతున్నాయి. ఈ సమస్యను తగ్గించేందుకు జన్యుమార్పులు చేసిన ప్రత్యేక దోమలను ఉపయోగించాలని గూగుల్ యోచిస్తోంది. వీటి ప్రత్యేకత ఏమిటంటే.. ఇవి మనుషులకు వ్యాధులను వ్యాప్తి చేయవు. అంతేకాకుండా ప్రస్తుతం వ్యాధులను వ్యాప్తి చేస్తున్న దోమల సంఖ్యను క్రమంగా తగ్గించే విధంగా వీటిని అభివృద్ధి చేశారు.
వివరాలు
రెండేళ్లపాటు దశలవారీగా విడుదల
ఈ దోమలను ఒకేసారి పెద్ద సంఖ్యలో విడుదల చేయకుండా, రెండు సంవత్సరాల కాలంలో దశలవారీగా విడుదల చేయాలని ప్రణాళిక రూపొందించారు. ప్రతి దశ తర్వాత నిపుణులు వాటి ప్రభావం, వ్యాప్తి, పనితీరును పరిశీలించనున్నారు. ఈ పరిశోధన ఫలితాల ఆధారంగా తదుపరి చర్యలు చేపట్టే అవకాశం ఉంది. దీర్ఘకాలిక లక్ష్యమే ప్రధాన ఉద్దేశం కాలిఫోర్నియా, ఫ్లోరిడా రాష్ట్రాల్లో వ్యాధులను వ్యాప్తి చేసే దోమల జనాభాను గణనీయంగా తగ్గించడం ఈ ప్రాజెక్ట్ ప్రధాన లక్ష్యం. దీర్ఘకాలంలో ఈ ప్రత్యేక దోమల సహాయంతో దోమల ద్వారా వ్యాపించే వ్యాధులను నియంత్రించి, ప్రజారోగ్యాన్ని మెరుగుపరచాలని గూగుల్ భావిస్తోంది.